Mshambuliaji wa Real Madrid, Cristiano Ronaldo akijaribu kuwatoka wachezaji wa Atletico Madrid
Vumbi la michuano ya robo fainali ya kwanza ya ligi ya mabingwa Ulaya limeanza kufunguliwa jana usiku kwa Real Madrid kukutana na mahasimu wao Atletico Madrid katika uwanja wa Vicente Caldero, Spain kwa kulazimisha sare tasa ya 0-0.
Haikuwa siku nzuri kwa mshambuliajia tegemeo wa klabu ya Real Madrid Mreno, Cristiano Ronaldo, kwa kuwekewa ulinzi wa kutosha na mabeki wa Atletico akiwemo Koke na Mario Suarez waliomwekea ulinzi wa kutosha kuhakikisha hapenyi ukuta wao.
Macho na masikio ya mashabiki yalikuwa upande wa mechi hii.. dakika 90 za mchezo zikakamilika kwa sare ya kutokufungana, 0-0.
Beki wa Real Madrid, Marcelo kabla ya mechi hiyo aliwaomba mashabiki wasiwe na hofu kwa kuwa kikosi chao kilikuwa kiko sawa kabisa, lakini imeonekana wapinzani wao pia walijipanga kuhakikisha hawafanyi makosa kuipoteza mechi hiyo ngumu.
Upande mwingine ilikuwa patashika kati ya vigogo wa Juventus na Monaco, dakika 90 zikakamilika pamoja na za nyongeza nyingine nne lakini Juventus walitoka kifua mbele kwa goli 1-0, ambapo Arturo Vidal alishinda goli hilo pekee kwa njia ya penalty.
Arturo Vidal akikamilisha ushindi wa timu yake kwa penalty.
Kimbembe kingine kiko leo uwanjani, Bayern Munich watakunjana na FC Porto huku Paris SG wakishikana mashati na FC Barcelona.
0 comments:
Post a Comment