Askofu wa jimbo
kuu la kanisa katoliki Morogoro, Telesphory Mkude akitoa sakalamenti
wakati wa ibada ya sikukuu ya krismasi katika kanisa kuu la katoliki la St
Patrice Morogoro.
Muunguzi wa zamu katika wodi ya wazazi ya hospitali ya rufaa mkoa
wa Morogoro, Mariamu Mazengo akimkadhi mtoto Bi, Prisca Severine (23) baada
ya kujifungua katika mkesha wa sikukuu ya krismasi kwenye hospitali hiyo
ambapo jumla ya watoto 25 walizaliwa. 
Mkuu wa nidhamu wa kikosi cha usalama barabarani wilaya ya Morogoro,
Muungano Nassoro akizungumza na abiria ndani ya moja ya basi juu ya umuhimu wa
kufunga mikanda ya usalama.Afande huyo aliwataka abiria hao kutoa taarifa endapo dereva wa basi anakeuka sheria za usalama barabarani ili kuepusha ajali walipokuwa wanapoita stendi kuu ya mabasi yaendayo mikoani ya Msamvu Morogoro.
Afande Muungano Nassoro akiendelea kutoa elimu kwa abiria kabla ya kuwageukia makonda madereva kuendesha gari kwa kuzingatia sheria za usalama barabara ili kuepusha ajali.
Baadhi ya wafanyabiashara wakiwa kando ya barabara ya Makongoro Manispaa
ya Morogoro huku wakiwa wamepanga mapambo ya aina mbalimbali wakati
wakisubiri wateja wao kununua kwa ajili ya kupamba katika nyumba zao ili
kusherehekea sikukuu za krismasi na mwaka mpya 2017. 
Juma Mtanda, Morogoro.
Jumla ya watoto 29 wamezaliwa katika mkesha wa sikukuu ya krismasi katika hospitali ya rufaa ya mkoa wa Morogoro na kituo cha afya Mafiga mkoani hapa.
Akizungumza na MTANDA BLOG mjini hapa, Muuguzi wa zamu wa hospitali ya rufaa ya mkoa wa Morogoro, Rebecca Lembile alisema kuwa katika mkesha huo jumla ya watoto 25 wamezaliwa huku watoto watatu wakizaliwa kwa wazazi wa kujifungua kwa njia ya upasuaji.
Rebecca alisema kuwa katika idadi hiyo ya watoto 25, watoto wa kiume ni 14 na kike 11 huku wazazi watatu wakishindwa kujifungua kwa njia ya kawaida na kulazimika kufanyiwa upasuaji.
“Mkesha wa krismasi kuna jumla ya watoto 25 waliozaliwa katika hospitali yetu na kati ya hao watoto wa kiume wapo 14 na kike 11 lakini ni wazazi 22 ndio waliojifungua kwa njia ya kawaida na wazazi watatu walishindwa kujifungua njia ya kawaida na kufanyiwa upasuaji, watoto na wazazi wao wanaendelea vizuri tunashukuru mungu.”alisema Rebecca.
Kwa upande wa kituo cha afya Mafiga jumla ya watoto wanne wamezaliwa kwenye mkesha huo huku watoto wa kiume wakiwa wawili na kike wawili na hali za wazazi na watoto wao zikiendelea vizuri.
0 comments:
Post a Comment