JAHAZI LA SIMBA SC LAENDELEA KUZAMA, WAKUBALI KIPIGO CHA BAO 1-0 DHIDI YA MTIBWA SUGAR LIGI KUU YA VODACOM TANZANIA BARA TAIFA JIJINI DAR ES SALAA.

KWA UFUPI:

JAHAZI la Simba limeendelea kuzama baada ya kukubali kipigo cha bao 1-0 kutoka kwa Mtibwa Sugar katika mechi ya Ligi Kuu Tanzania Bara iliyofanyika kwenye Uwanja wa Taifa, jijini Dar es Salaam.

Mshambuliaji wa Simba SC, Felix Sunzu akipiga krosi pembeni yake beki wa Mtibwa Sugar ya Morogoro, Issa rashid katika mchezo wa Ligi Kuu ya Vodacom Tanzania Bara, jioni ya leo Uwanja wa Taifa, Dar es Salaam. Mtibwa ilishinda 1-0. 

SIMBA NA MTIBWA SUGAR KATIKA PICHA TAIFA LEO, MNYAMA ALISHIKWA PABAYA

Mshambuliaji wa Simba SC, Felix Sunzu akipiga krosi pembeni yake beki wa Mtibwa Sugar ya Morogoro, Issa rashid katika mchezo wa Ligi Kuu ya Vodacom Tanzania Bara, jioni ya leo Uwanja wa Taifa, Dar es Salaam. Mtibwa ilishinda 1-0.

Kocha wa Mtibwa Mecky Mexime (kulia) akitoa maelekezo kwa wachezaji wake.

Kulia ni Chanongo akigombea mpira na Issa Rashid kushoto na aliyeipa mgongo kamera ni Shaaban Nditi akiwa tayari kutoa msaada

Kikosi cha Simba

Kikosi cha Mtibwa

Salvatory Ntebe akimdhibiti Sunzu

Kocha wa Simba, Mfaransa Patrick Liewig akitoa maelekezo kwa kipa na Nahodha wa timu yake, Juma Kaseja

Amir Maftah akimtoka mchezaji wa Mtibwa, Jamal Mnyate

Kisiga akimiliki mpira mbele ya Kapombe.
Picha kwa hisani ya http://bongostaz.blogspot.com

JAHAZI la Simba limeendelea kuzama baada ya kukubali kipigo cha bao 1-0 kutoka kwa Mtibwa Sugar katika mechi ya Ligi Kuu Tanzania Bara iliyofanyika kwenye Uwanja wa Taifa, jijini Dar es Salaam.

Beki Salvatory Ntebe aliifungia Mtibwa Sugar bao pekee katika dakika ya 18 akiunganisha vizuri pasi nzuri ya Vicent Barnabas katika mchezo huo ambao Simba walimaliza wakiwa 10 baada ya beki Juma Nyoso kupewa kadi nyekundu katika dakika ya 86.

Kwa matokeo hayo Simba imebaki ikiwa nafasi ya tatu na pointi zake 31, huku Yanga wakiendelea kuongoza wakiwa na pointi 39, wakifuatiwa na Azam (36) katika mbio hizo za kusaka ubingwa.

Kocha wa Simba, Patrick Liewig alisema nafasi ya timu yake kutwaa ubingwa ni ndogo kwa sasa kutokana na matokeo hayo.

“Uchovu wa safari ndefu iliyoifanya timu yake hivi karibuni mikoani na kucheza mechi za mfululizo ni sababu ya kupoteza mchezo wa leo,” alijitetea kocha huyo.

Naye Mecky Mexime aliwasifu wachezaji wake kwa kucheza vizuri na kufanikiwa kupata ushindi huo mzuri dhidi ya Simba.

Katika mechi hiyo dakika ya pili, beki Amir Maftah alipitisha krosi nzuri kwa Shomari Kapombe aliyepiga shuti kali lililopaa juu ya lango la Mtibwa Sugar.

Katika dakika ya 18, pasi ya Barnabas ilimkuta Ntebe aliyepiga shuti kali lililomshinda kipa Juma Kaseja na kujaa wavuni hivyo kuipa Mtibwa Sugar bao la kuongoza.

Kuingia kwa bao hilo kuliamsha ari ya Mtibwa Sugar kwani katika dakika ya 23, shuti la mshambuliaji Hussein Javu lilipanguliwa kwa ustadi mkubwa na kipa Kaseja.

Simba ilijaribu kurudi mchezoni katika dakika ya 28, ambapo Felix Sunzu alipiga shuti kali, lakini lilipaa juu ya lango la Mtibwa.

Katika mchezo huo kocha wa Simba, Liewig hakuwaanzisha wachezaji wake mahiri, Amri Kiemba pamoja na Mrisho Ngassa, lakini baadaye alifanya mabadiliko kwani aliwatoa Ramadhani Chombo, Haruna Moshi na Haruna Chanongo na kuwaingiza Kigi Makasi, Kiemba na Ngassa.

Katika hali ya kushangaza wachezaji Chombo na Moshi baada ya kutolewa walikwenda moja kwa moja kwenye vyumba vya kubadilishia nguo badala ya kukaa katika benchi.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari