CHEKI KOROSHO ZA KIKUNDI CHA TUJIAMINI CHA USINDIKAJI KOROSHO PALE LINDI.

Katibu wa Kikundi cha Usindikaji Korosho cha Tujiamini akipanga pakiti za Korosho tayari kwa kuwauzia wateja katika Standi kuu ya Mabasi Lindi Mji

ni.http://mrokim.blogspot.com

Mkoa wa Llindi wakazi wake wengi ni wakulima hasa maeneo ya vijijini wengi wanalima mazao mchanganyiko yaani ya biashara na chakula mazao ya biashara hasa ni Korosho ambazo zinapatika kwa wingi katika wilaya ya Ruangwa,Lindi Vijijini,na Nachingwea.

Pia kuna zao la Ufuta na ndizi kama zao la biashara na chakula pia Mazao ya chakula kuna mahindi,mpunga,muhogo,nyanya,vitunguu hizi pia ulimwa sana wakati wa masika kutegemea na mvua za vuli.

Biashara wakazi wengi wa mkoa wa Lindi wanafanya biashara hasa biashara ndogondogo zijulikanaza kama machinga trade wanauza mazao wakati wa mavuno na uchukua bidhaa nyingi kutoka Dar-es-Salaam na kupeleka vijijini hasa kwenye Kata.

Camera ya Father Kidevu Blog leo katika pita pita na mulika mulika yake ndani ya Mkoa wa Lindi hasa Lindi mjini ilibahatika kukutana na akina mama wanao unda kikundi cha uzalishaji na usindikaji Korosho kijulikanacho kama TUJIAMINI CASHNUTS PROCESSING FOOD.

Tujiamini, kama lilivyo jina lake ni kundi la waakina mama ambalo linalenga kuwajengea uwezo akina mama kuweza kujiamini katika maisha kwa kuwa na kipato chao cha kuendesha maisha yao na familia pia.

Akizungumza na Father Kidevu Blog, Katibu wa Kikundi hicho Bi. Salma Mmole amesema wao hununua bidhaa hiyo kutoka kwa wakulima na kuisindika kulingana viwango vinavyohitajika katika masok a ndani na nje ya Tanzania.

Ujazo wa paketi zao ni kuanzia zile za Tsh 2,000/= hadi 15,000/= na zipo Korosho Nyeupe, Za kuokwa na zakawaida zilizozoeleka maeneo mengi.

“Soko letu kubwa ni kwa watu wa aina zote hasa wasafiri wa ndani ya mkoa wa Lindi na nje ya Mkoa, bado hatujawa na masoko ya uhakika hasa katika Mahoteli makubwa na Maofisi lakini Fursa ya namna hiyo ikitokea Biashara itakuwa zaidi,” alisema Salma.

Aidha alisema kuwa yeyote atakaependa au kuhitaji Bidhaa hiyo kutoka kwao ili nao waweze jikwamua kimaisha wawasiliane nao kupitia Simu ya ofisi 0715397110.

Katibu wa Tujiamini Cashnuts akijaza moja ya pakiti za korosho zilizookwa tayari kwa kuwauzia wateja wao katika eneo la Stand Kuu ya Mabasi Lindi.