DCI MANUMBA ATOA MBINU KUUKABILI UHALIFIU KATIKA MAFUNZO YA SARPCCO NA EAPCCO.

Mkurugenzi wa upelelezi wa Makosa ya Jinai Nchini DCI Robert Manumba akizungumza na Wakurugenzi wa Upelelezi wa Makosa ya Jinai katika mafunzo ya kufanya Operesheni za Pamoja kati ya SARPCCO na EAPCCO.Mafunzo hayo yanafanyika jijini DAR Es Salaam.

Mkurugenzi wa upelelezi wa Makosa ya Jinai Nchini DCI Robert Manumba akiwa katika picha ya pamoja na Wakurugenzi wa Upelelezi wa Makosa ya Jinai kutoka Nchi mbalimbali za Afrika ambao wanashiriki mafunzo ya kufanya Operesheni za Pamoja kati ya SARPCCO na EAPCCO.Mafunzo hayo yanafanyika jijini DAR Es Salaam.

Na Frank Geofray-Jeshi la Polisi.

Wakurugenzi wa Upelelezi wa makosa ya jinai kutoka nchi 25 barani Afrika wametakiwa kutumia vizuri mafunzo ya Operesheni za pamoja ili kuweza kukabiliana na uhalifu ikiwemo vitendo vya ugaidi na uhamiaji haramu vinavyojitokeza katika nchi za Afrika Mashariki na Kusini mwa Afrika kwa kasi hivi sasa.

 Hayo yamesemwa leo na  Mkurugenzi wa Upelelezi wa Makosa ya Jinai Nchini DCI Robert Manumba wakati akizungumza na waandishi wa habari baada ya kufungua Mafunzo kwa Wakurugenzi wa Upelelezi wa Makosa ya Jinai kutoka Umoja wa Wakuu wa Polisi Kusini mwa Afrika (SARPCCO) Pamoja na Umoja wa Wakuu wa Polisi Afr

ika Mashariki  (EAPCCO) kuhusu kufanya operesheni za pamoja kukabiliana  na uhalifu unaovuka mipaka.

 DCI Manumba amesema uhalifu unaofanyika hapa nchini na ukanda huu wa Afrika Mashariki ndio huo huo unaotokea katika nchi nyingine hivyo ushirikiano na kubadilishana taarifa kutasaidia kutambua na kuweka mikakati thabiti ya kuweza kudumisha amani na usalama katika bara la Afrika.

 “Kwa mfano suala la Wahamiaji haramu hatuwezi kupambana nalo sisi wenyewe kwa kuwa wanatoka katika nchi nyingine na hapa wanapita tu kwenda katika nchini nyingine hivyo lazima tubadilishane taarifa na kuwa na mkakati wa pamoja wa kuwabaini wanaofanya vitendo hivyo” Alisema Manumba.

 Kwa upande wake Mkuu wa Polisi wa Kimataifa INTEPOL kanda ya Afrika Mashariki kutoka Nchini Kenya Bw.Rego Francis amesema Majeshi ya Polisi yana wajibu wa kutoa  elimu ya kutosha kwa wananchi ili waweze kutoa taarifa za uhalifu mapema kwa vyombo vya usalama ili ziweze kufanyiwa kazi mapema kabla ya matukio kutokea.

 Naye Mkuu wa Kitengo cha Polisi wa Kimataifa (INTEPOL) Tanzania Kamishna Msaidizi wa Polisi Gustavus Babile amesema Mafunzo hayo ya siku mbili lengo lake ni kubadilishana uzoefu na kupeana mbinu na kuweka mikakati ya kufanya operesheni  zitakazoweza kuutokemeza uhalifu.

 Babile alisema kupitia mafunzo hayo wataweza kuandaa Operesheni zenye mafanikio zitakazoweza kushirikisha nchi nyingi katika kukabiliana na Ugaidi, Madawa ya kulevya, wahamiaji haramu, wizi wa magari na uhalifu wa aina nyingine unaotokea hapa Afrika.

Mafunzo hayo yanafanyika baada ya kumalizika kwa Mkutano wa kumi na nane wa Wakuu wa Polisi kusini mwa Afrika SARPCCO ambapo katika maazimio yaliyofikiwa ni pamoja na kufanya operesheni za pamoja baina ya SARPCCO na EAPCCO.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari