WAFANYABIASHARA WAWILI WAPIGWA RISASI KATIKA TUKIO LA UJAMBAZI, WAPORWA FEDHA NA SIMU, JAMBAZI MMOJA AUAWA NA WANANCHI

Na Hamida Shariff,Morogoro.

WAFANYABIASHARA wawili wamejeruhiwa kwa kupigwa risasi na kuporwa fedha kiasi cha Sh 2.3 milioni pamoja na simu za mikononi katika tukio la ujambazi lililotokea katika soko kuu la ndizi la Mwanzomgumu kata ya Bigwa manispaa ya Morog

oro.

Katika tukio hilo lililotokea Mei 11 majira ya saa 10 jioni pia jambazi mmoja aliuawa na wananchi baada wenzake kukimbia na bunduki waliyonayo na kumuacha kumuacha nyumba ambapo alishambuliwa kwa mawe  na malungu mpaka kumuua.

Akizungumzia tuki hilo Kaimu kamanda wa Polisi mkoani hapa John Laswai aliwataja wafanyabiashara waliopigwa risasi kuwa ni Hussein Ramadhani (40) mkazi wa mbarahati kwa jongo jijini Dar es Salaam ambaye alipigwa risasi kwenye goti mguu wa kulia na Furaha Shomari (30) mkazi wa mwanzo mgumu manispaa ya Morogoro ambaye alipigwa risasi ya ubavuni na kutokea tumbani.

Kaimu kamanda huyo alisema kuwa tukio hilo lilitokea mara baada ya mfanyabiashara Hussein Ramadhani kufika sokoni hapo akiwa na Sh. 2.3 milioni ambazo alitaka kufanya manunuzi ya ndizi ambapo ghafla walitokea majambazi hao watano wakiwa na bunduki aina ya SMG na kuwataka wafanyabiashara wote kulala chini huku wakmlenga mfanyabiashara huyo.

Alisema kuwa majambazi hayo yalifyatua risasi mbili hewani na baadaye kumlenga mfanyabiashara huyo na mwenzake kasha kupora fedha hizo pamoja na simu ya mkononi yenye thamani y ash. 80,000 kisha kikimbia maporini.

Laswai alisema kuwa uchunguzi wa awali umebaini kuwa mmoja kati ya majambazi hayo aliwahi kuwa mfanyabiashara wa ndizi sokoni hapo na kwamba polisi wanaendelea na uchunguzi zaidi ambapo tayari askari wameanza msako wa kuwatafuta majambazi hayo ambayo yanadaiwa kukimbilia milima ya kinole Mkuyuni.

Aidha kaimu kamanda huyo alisema kuwa katika eneo la tukio polisi waliokota maganda nane ya risasi za SMG na hivyo kuwaomba wananchi kushirikiana na polisi katika kufanikisha kuwakamata majambazi hayo.

Wakizungumza kwenye wodi namba moja hospitali ya mkoa wa Morogoro walikolazwa wafanyabiashara hao walisema kuwa walifika sokoni hapo wakitokea jijini Dar kwa ajili ya kununua ndizi na muda mfupi kabla hawajafanya manunuzi ndipo walipovamiwa na majambazi hayo yaliyokuwa na bunduki ambayo ilikatwa kitako.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari