MKUU WA MKOA WA MOROGORO AKWAMA ZAIDI YA SAA MOJA BAADA YA BASI KUNASA KATIKA TOPE WAKATI AKIELEKEA KATIKA UZINDUZI WA OPERESHINI YA KUONDOA WAFUGAJI HALMASHAURI YA WILAYA YA MOROGORO..

 

Mkuu wa mkoa wa Morogoro Joel Bendera akizungumza wakati wa uzinduzi wa opereshini ya kuondoa wafugaji kijiji cha Bonye, Kushoto ni Mbunge wa jimbo la Morogoro Kusini, Innocent Kalog

eris na kulia ni Mkuu wa wilaya ya Morogoro, Said Amanzi.

Na Juma Mtanda, Morogoro.

MKUU wa mkoa wa Morogoro, Joel Bendera amezindua operesheni ya kuondoa wafugaji wavamizi zaidi ya 570 na kueleza kuwa utendaji mbovu wa baadhi ya viongozi kuanzia ngazi ya tarafa hadi kijiji imechangia kwa kiasi kikubwa kuruhusu mifugo kuingia katika vijiji vya wilaya ya halmasjauri ya Morogoro bila kufuata taratibu mkoani hapa.

Akizungumza katika mkutano wa hadhara wakati wa uzinduzi wa operesheni hiyo ya kuondoa wafugaji wavamizi, Bendera alisema kuwa moja ya sababu ya kujaa kwa wafugaji na mifugo yao kumechangiwa na baadhi ya watendaji kuanzia ngazi ya tarafa hadi kijiji jambo ambalo limechangiwa kwa kiasi kikubwa mifugo kuingia katika vijiji vya halmashauri ya wilaya ya Morogoro.

katika mkutano huo uliofanyika katika kijiji cha kijiji cha Bonye kata ya Bwakila Chini mkoani hapa, Bendera alisema kuwa, kuwa watendaji hao ndiyo chanzo cha uwingi wa mifugo hali iliyopelekea kuwa na migogoro ya ardhi baina ya walikuma na wafugaji, uharibifu wa misitu, mashamba ya kilimo na uvamizi wa pori la akiba la seluos game reserve na kuwa njia mojawapo ni kufanya operesheni ya kuondoa wafugaji wavamizi katika vijiji vyote vya wilaya hiyo.

“Wilaya ya halmashauri ya Morogoro ina jumla ya wavamizi 575 ambao tayari  wamepewa notisi za kuwataka waondoke, baadhi yao wameondoka na wengine wamekaidi amri hiyo ya kundoka, sasa serikali imedhamilia kusimamia kikamilifu zoezi hili la kuwaondoa wafugaji wavamizi katika vijiji vyote na hifadhi za taifa zote zilizopo ndani ya mkoa wa Morogoro”. Alisema Bendera.

Licha hivyo mkuu huyo wa mkoa msafara wake ilishindwa kuendelea na safari yake baada ya kukwama kufuatia basi lililokuwa mbele yao kukwama katika tope kijiji cha Kilengesi katika barabara kuu ya Mvuha-Kisaki.

Bendera alilazimika kukaa eneo hilo na msafara wake hadi gari la polisi lilipovuta basi hilo na wao kupata nafasi ya kupita eneo hilo adha ambayo ilitokana na mchapuo wa barabara kufuatia barabara iliyokuwa ikitumika kujengwa daraja ambalo limefikia hatua za awali.

Naye Mbunge wa jimbo la Morogoro Kusini, Innocent Kalogeris amewataka wananchi wa vijiji vya halmashauri ya wilaya ya Morogoro kutumia vyema operesheni hiyo kwa kuwafichua wafugaji walioshindwa kutii amri halali ya kuondoka kwa hiari.

Kalogeris alisema kuwa matukio ya migogoro baina ya wafugaji na wakulima yamekidhiri na kuwa waathirika wakubwa ni wakulima ambao wengi wao wamekuwa wakiambulia kupata kipigo na uharibufu mkubwa wa mali zao yakiwemo mazao aina mbalimbali katika mashamba yao.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari