RYAN GIGGS NAMNA ALIVYOANZA KAZI YAKE KWA USHINDI AKIIONGOZA MAN U KUIKUNG'UTA NORWICH LIGI KUU UINGEREZA KWA USHINDI MNONO WA 4-0 UWANJA WA OLD TRAFFORD

MENEJA wa Manchester United Ryan Giggs jana ameanza himaya yake kwa ushindi wa kishindo kwa Goli za Wayne Rooney na Juan Mata kuwapa ushindi wa Bao 4-0 dhidi ya Norwich City kwenye Mechi ya Ligi Kuu England iliyochezwa Old Trafford.

Ikiwa ni mechi ya kwanza toka Ryan Giggs achaguliwe kuchukua kwa muda nafasi ya David Moyes alietimuliwa, Manchester United imemiliki headlines kwa sauti kubwa baada ya ushindi mkubwa ilioupata jana April 26 2014.

Magoli ya Man U dhidi ya Norwich yalifungwa na Rooney kwenye dakika ya 41 kwa panati na dakika ya 48 huku mawili yaliyobaki yakifungwa na Mata kwenye dakika ya 63 na 73.

Ryan Giggs, akiingia Uwanjani kabla Mechi kuanza na Wasaidizi wake, Wachezaji wenzake wa zamani Man United, Nicky Butt, Paul Scholes na Phil Neville, alipokewa kwa shangwe kubwa ya Uwanja mzima na Old Trafford ilizizima muda wote wa Mechi hii.
Wakicheza kwa ari, bidii, ufundi na presha ya mashambulizi, kama ile Manchester United ya zamani chini ya Sir Alex Ferguson, Wayne ndie aliefungua milango kwa Bao la Penati ya Kipindi cha Kwanza iliyotolewa na Refa Lee Probert baada ya Danny Welbeck kuangushwa na Whittaker.
Alikuwa Rooney tena aliepachika Bao la Pili mapema mara baada Kipindi cha Pili kuanza kwa Bao la kifundi.
Juan Mata, alieingizwa Kipindi cha Pili kumbadili Danny Welbeck katika Dakika ya 60, ndie aliefunga Bao 2 nyingine.Kipigo hiki kimewaacha Norwich wakiwa Pointi 1 tu juu zile Timu 3 za mkiani ambazo ziko hatarini kushuka Daraja.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari