MIKOA YA MOROGORO, TANGA, MTWARA NA DAR ES SALAAM KUATHIRIKA NA MVUA YENYE UPEPO KUANZIA LEO.

mkurugenzi Mkuu wa Mamlaka ya Hali ya Hewa nchini (TMA) Dkt.Agness Kijazi.

Dar es Salaam. Mamlaka ya Hali ya Hewa(TMA) imetahadharisha uwepo wa mvua kubwa na upepo mkali unaozidi kasi ya km 40 kwa saa kuanzia Aprili 26 hadi Aprili 28 mwaka huu.

Sambamba na upepo huo zinatarajiwa kunyesha mvua za zaidi ya milimita 50 huku bahari ikitarajiwa kuwa na mawimbi makubwa yanayozidi mita 2.0

Hali hiyo inakuja kufuatia kuwepo kwa mgandamizo mdogo wa hewa katika pwani ya Tanzania unaotakana na kimbunga cha Fantala.

Kwa mujibu wa TMA maeneo yanayotarajiwa kuathirika ni mikoa ya Tanga, Dar es Salaam, Morogoro, Lindi, Mtwara pamoja na visiwa vya Unguja na Pemba.

Mvua hizo pia zinatarajiwa kusambaa katika maeneo ya mikoa ya Kilimanjaro na Mashariki mwa Manyara.MWANANCHI

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari