Watu 38 wapoteza roho zao Somalia kutokana na mashambulio ya Marekani

Watu wasiopungua 38 wameuawa nchini Somalia kufuatilia mashambulio ya anga ya ndege zisizo na rubani za Marekani katika nchi hiyo ya Pembe ya Afrika.

Ripoti zinasema, ndege zisizo na rubani za Marekani zimefanya mashambulio katika mpaka wa Somalia na Ethiopia na kupelekea kwa akali watu 38 kuuawa na makumi ya wengine kujeruhiwa. Hii si mara ya kwanza kwa ndege za Marekani zisizo na rubani kufanya mashambulio nchini Somalia.

Hadi sasa makumi ya raia nchini Somali wameuawa kufuatia mashambulio hayo. Somalia inakuwa nchi ya sita kuandamwa na mashambulio ya anga ya ndege zisizo na rubani za Marekani baada Iraq, Afghanistan, Pakistan, Yemen na Libya.

Marekani inadai kwamba, lengo la mashambulio hayo ni kupambana na makundi ya kigaidi na wanamgambo wanaobeba silaha. Hata hivyo, wananchi wa Somalia kwa sasa ndio wahanga wakuu wa mashambulio hayo.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari