BAADA YA WAMILIKI WA DALADALA MORO HIKI NDICHO KILICHOWAKUMBWA WANAFUNZI NA WAFANYAKAZI, WANAFUNZI BAADHI WASHINDWA KWENDA SHULE NA KUNYWA KAHAWA TU.

Baadhi ya wanafunzi wa shule za sekondari Manispaa ya Morogoro wakiwa kituo cha daladala Masika wakinywa kahawa baada ya wamiliki wa daladala kufanya mgomo wa kutosafirisha abiria kwa kile walichodaia madereva wao kutozwa faini kuanzia kiash cha sh30,000 hadi sh120,000 ndani ya wiki mara mbili ama tatu na askari wa usalama barabarani kutokana na makosa mbalimbali katika magari yao.PICHA/MTANDA BLOG.

NA MTANDA BLOG, MOROGORO.

WAMILIKI wa daladala Manispaa ya Morogoro wamekubaliana na serikali kusitisha mgomo baada ya  madai yao manne waliyokuwa wametaka yatekelezwa,kukubaliana moja wakati wakazi wa Manispaa hiyo wakikumbwa na adha ya kukosa usafiri kwa masaa tisa juzi mkoani hapa.

Akizungumza na mwandishi wa gazeti hili mkoani hapa Mkuu wa wilaya ya Morogoro, Saidi Amanzi alisema kuwa wamiliki wa daladala wamekubaliana na serikali kurejesha huduma ya usafiri baada ya mgomo uliodumu kwa masaa tisa huku madai mengine wakiendela kufanyia kazi.

Amanzi alisema kuwa mgomo huo ulitokana na madai ya madereva wa daladala kuilalamikia idara ya askari wa usalama barabarani kwa madai kuwatozwa faini kubwa ndani ya wiki mara mbili ama tatu pindi wanapokamatwa makosa mbalimbali.

“Jana (juzi) madereva wa daladala Manispaa ya Morogoro walifanya mgomo wa kutoingiza magari barabarani kwa madai kuwa wamekuwa wakitozwa faini kiasi cha sh30,000 hadi sh120,000 kutokana na makosa mbalimbali na askari wa kitengo cha usalama barabara lakini hoja zao tumesikiliza na tumeafikiana baadhi zinafanyiwa kazi na nyingine wao wajirekebishe ”alisema Amanzi.

Amanzi alisema kuwa moja ya makubaliano hayo kuondoa msongamano unaotokana na wingi wa daladala ambayo serikali itafanyia kazi na kumepatikana eneo lingine la stendi ambalo liko Kaloleni kata ya mjimpya.

Aidha mkuu huyo alisema atawaeleza askari wa usalama barabarani kutumia busara katika ukamataji unaotokana na kuegesha vibaya kutokana na stendi hiyo kuwa ndogo.

Madai mengine yaliyoongelewa katika kikao na viongozi wa chama cha madereva wa daladala na wamikili sambamba na kamati ya ulinzi na usalama ni kuwataka wamiliki kutengeneza magari yao mara kwa mara ili kuondokana na adha ya kukamatwa na askari kwani kazi yao ni kushughulikia usalama wa magari.

“Tumewaeleza wamiliki na madereva baadhi ya hoja zao tutazishughulikia lakini na wao ni lazima watengeneze daladala zao kwani kama gari ni bovu lazima askari atalikama,na hiyo ni kazi yao na ipo kisheria,”na madai wanayosema kuwa askari wamekuwa wakiwatolea maneno ya vitisho pindi wanapowakamata hilo kamati yake inafanya uchunguzi kubainiki ukweli huo,”alisema Amanzi.

Gazeti hili lilifanya juhudi za kumfutatu Mwenyekiti wa chama cha madereva Morogoro, Michael Mongi alisema kuwa wamekubaliana na majibu ya serikali juu ya madai yao ya kunyanyaswa na askari wa usalama barabarani kwamba hayatajitokeza tena.

Kulipishwa faini kubwa, dereva kusokwa rumande, kutishiwa kwenda mahakamani na kutukanwa na kitendo cha haki ya kusikilizwa na uongozi wa askari wa usalama barabara na endapo makubaliano hayo hayatekelezwa madereva hao watarejesha magari kwa wamiliki wa magari hayo.

Huduma ya usafirishaji wa abiria ilianza majira ya saa 8 mchana huku gari aina ya noah stendi ya daladala yaendayo nje ya Manispaa ya Morogoro na pickup stendi ya Masika zikiendelea kubeba abiria na kutoza nauli ya sh 500 kufuatia baadhi ya daladala kufanya kazi.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari