Foleni ni utaratibu tuliouiga kwa sisimizi, foleni si utumwa ni njia rahisi ya kupatiwa huduma kulingana na muda aliofika mpatiwa huduma eneo husika.
Pichani mgombea urais kupitia chama cha mapinduzi (CCM) wa tatu kutoka kushoto, Dkt Ally Mohamed Shein akiwa katika foleni na wananchi wengine ya kwenda kupiga kura ya marudio katika uchaguzi wa marudio wa kuchagua rais wa serikali ya mapinduzi ya Zanzibar unaofanyika leo (jumapili machi 20 mwaka 2016) visiwani Zanzibar.
Amepiga kura yake saa 07:10 asubuhi katika kituo cha Skuli ya Bungi, Mkoa wa Kusini Unguja akiwa ni mtu wa tatu baada ya kupanga foleni
Foleni haina huruma kwa walemavu ila wapanga foleni wana huruma.
Foleni haijali cheo chako ila wapanga foleni wanathamini thamani ya wakubwa.
Huduma bila utaratibu wa foleni ni fujo, huduma ikitolewa kwa foleni ni ustarabu yaani wa kwanza kufika wa kwanza kupata huduma na wa kwanza kuondoka.
Ukifika ukakuta foleni ukalazimisha uhudumiwe kwanza eti kisa una cheo au una haraka umeitwa na Rais utamkuta Rais aliyekuita naye yuko katka foleni utaishia kuzomewa anayehitaji heshima kwa nguvu ananunua dharau kwa bei rahisi.
0 comments:
Post a Comment