Kondakta wa daladala amefikishwa katika Mahakama ya Hakimu Mkazi Kisutu akikabiliwa na shtaka la kutishia kumuua Rais John Magufuli.
Hamim Seif (42) mkazi wa Mwananyamala Ujiji, alidaiwa kutenda kosa hilo Machi 10 mwaka huu katika baa ya Soweto, maeneo ya Makumbusho jijini Dar es Salaam.
Wakili wa serikali Keneth Sekwao aliambia mahakama Alhamisi kuwa mshtakiwa, akiwa katika baa hiyo, alitishia kumuua Dkt Magufuli kwa maneno kwa njia ya kujitoa mhanga.
“Kwa haya mambo anayoyafanya Rais Magufuli, mimi nimo tayari kujilipua kwa kujitoa mhanga ili kumuangamiza,” alinukuliwa na Wakili Sekwao.
Mshtakiwa alikana shtaka hilo.
Hakimu Mkazi, Hellen Liwa aliweka wazi dhamana ya mshtakiwa huyo na kumtaka kutafuta wadhamini wawili, kutoka taasisi ya Serikali inayotambulika, ambao watasaini hati ya dhamana ya Sh2 milioni.
Alishindwa kutimiza masharti ya dhamana na akawekwa rumande hadi 14 Aprili kesi ikatapotajwa tena.
Aliyemfanyia utani Nkurunziza akamatwa
Mchekeshaji mmoja maarufu nchini Burundi amekamatwa kwa kumfanyia utani Rais wa nchi hiyo Pierre Nkurunziza.
Mchekeshaji huyo anayefahamika kama Kigingi alifanya utani mwaka uliopita, ulioonyesha bwana Nkurunziza akikataa kuondoka uwanjani licha ya kuonyesha kadi mbili za manjano.
Utani huo ulihashiria Rais kuwania muhula wa tatu hatua iliyosababisha miezi kadha ya ghasia.
Kigindi alikamatwa akiwa hotelini mapema wiki hii. Familia yake inasema inahofu kuwa huenda akateswa. Afisa mmoja wa serikali hata hivyo amesema kuwa ataachiliwa hivi karibui.BBC
0 comments:
Post a Comment