Kiungo mshambuliaji wa klabu ya Mpepo FC, Athaman Abasi juu akijitahidi kumiliki mpira huku mchezaji wa Uhuru Rangers FC, Hija Seifu akiwani mpira huo wakati wa michezo ya fainali ya ligi ya taifa kuwania ubingwa wa mkoa wa Morogoro kwa msimu wa mwaka 2011/2012 kwenye uwanja wa Jamhuri mkoani Morogoro katika mchezo huo ulimalizika kwa sare ya bao 1-1.
Mlinda mlango wa Mpepo FC Bembe Kanuti akijiandaa kudaka mpira huku mshambuliaji wa Uhuru Rangers Ibrahim Abdu akiwania mpira huo wakati wa michezo ya fainali ya ligi ya taifa kuwania ubingwa wa mkoa wa Morogoro kwa msimu wa mwaka 2011/2012 kwenye uwanja wa Jamhuri mkoani Morogoro katika mchezo huo ulimalizika kwa sare ya bao 1-1.
HABARI YA LIGI YA TAIFA KUWANIA UBINGWA WA MKOA WA MOROGORO 2011/2012.
UKAME wa mabao umetawala katika michezo ya kuwania ubingwa wa soka mkoa wa Morogoro kwa msimu wa mwaka 2011/2012 katika ya fainali ya ligi ya taifa inayoendelea kwenye uwanja wa Jamhuri mkoani hapa.
Michezo miwili minne iliyochezwa kweli fainali hizo mashabiki na wapenzi wa soka Manispaa ya Morogoro wameshuhudia mabao manne mabao mawili katika michezo ya ufunguzi baada ya timu ya The Wailes ikiitandika Docks kwa bao 1-0 huku Kaizer Chief FC nayo ikipokea kipigo cha bao 1-0 kutoka kwa Mkamba Rangers FC iliyofanyika februari 25 mwaka huu.
Katika michezo iliyochezwa juzi (februari 26) timu Mpepo FC ilitoshana nguvu na Uhuru Rangers FC baada ya kutoa sare ya bao 1-1 katika mchezo uliochezwa majira ya saa 8 mchana huku timu ya Uhuru Rangers FC ikitangulia kupata bao lililofungwa na Shukuru Abasi dakika ya 55.
Timu ya Mpepo FC walisawazisha kupitia kwa mshambuliaji wao, Shabaan Togwa dakika ya 76 kwa mkwaju wa penalti baada ya mlinzi wa Uhuru Rangers FC, Joseph Vitus kunawa mpira eneo la hatari na mwamuzi wa mchezo huo, Seleman Kinugani kutoa adhabu hiyo na mchezo huo kumalizi kwa sare ya bao 1-1.
Katika mchezo wa pili uliofanyika majira ya 10 jioni Mkamba Rangers FC ilibanwa na timu ya Docks FC na kulazimishwa suluhu tasa ya bao 0-0 katika mchezo mkali na kusisimua wa fainali hizo inayoendelea kwenye uwanja wa Jamhuri mkoani Morogoro.
0 comments:
Post a Comment