WANAMGAMBO WA AL-SHABAAB WADAIWA KUELEKEA KUSAMBARATIKA NCHINI SOMALIA.

WAZIRI Mkuu wa Somalia amesema kuwa, kundi la kigaidi la ash Shabab linapoteza nguvu na satua zake kati ya wananchi wa nchi hiyo, huku likielekea kusambaratika kikamilifu. 

Abdiweli Mohamed Ali amesema kuwa, ana matumaini kwamba  mustakbali wa Somalia utakuwa mzuri. 

Waziri Mkuu wa Somalia ameongeza kuwa, mlipuko uliotokea siku chache baada ya kuapishwa Rais mpya wa Somalia ni ishara ya kudhoofika kundi hilo na kuelekea kwake ukingoni.  

Ameongeza kuwa, Kismayu iliyokuwa kambi na ngome ya kundi hilo la ash Shabab imeshakuwa mikononi mwa wananchi wa Somalia baada ya vikosi vya Kenya vikishirikiana na vile vya serikali kuudhibiti mji huyo wa bandari. 

Waziri Mkuu wa Somalia amesema mji wa bandarini wa Kismayu ni moja kati ya miji iliyokuwa ikitegemewa sana na kundi hilo katika kujipatia pato la kuendeshea shughuli zake za kigaidi, na kukombolewa mji huo ni ushindi mkubwa kwa wananchi wa Somalia

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari