MADAKTARI MISRI WAANZISHA MGOMO WA UPANDE MMOJA.

MADAKTARI wanaofanya kazi kwenye hospitali za serikali huko Misri  wameanza mgomo wao wa upande mmoja huku wakijizuia kutoa huduma zisizo za dharura kwa wagonjwa wakilalamikia huduma mbovu za afya na mishahara duni.

 Khairy Abdul Dayem Mkuu wa Jumuiya ya Madaktari alisema hapo jana huko Cairo mji mkuu wa Misri kuwa mgomo huo utazijumuisha hospitali za serikali zisizopungua 540 kiwango ambacho ni sawa na asilimia 40 ya huduma za afya zinazotolewa kwa raia kote nchini humo.

Madaktari wanaofanya kazi katika hospitali za serikali wanalipwa mshahara wa dola 46 kwa mwezi huku wengi wao wakilazimika kufanya kazi kwenye hospitali za watu binafsi au zahanati nyinginezo kwa masaa mengi ili kuongeza kipato chao. 

Mwanachama mmoja wa Jumuiya ya Madaktari wa Misri amenukuliwa akisema kuwa na hapa ninmnukuu, "hospitali za serikali nchini Misri zimejaa wagonjwa na hazitoi huduma inayotakikana kwa wagonjwa kutokana na uhaba wa fedha," mwisho wa kunukuu. 

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari