MKAZI wa Kijiji cha Kilombero, mkoani Geita, Mahangaiko Buruhe (52) amefariki dunia baada ya kusombwa na upepo mkali ulioambatana na mvua wakati akijaribu kuzuia nyumba yake isianguke.
Tukio hilo lilitokea juzi saa 10;00 jioni ambapo
marehemu alikuwa akizuia nyumba yake isisombwe na upepo baada ya
kushuhudia paa la nyumba likiezuliwa na upepo.
Marehemu aliamua kurukia kenchi ili kuzua nyumba isianguke kwa kutumia nguvu zake na kwamba upepo ulimzidi nguvu, paa likaezuliwa na marehemu kurushwa nje na kuangukia nyumba ya pili alikopoteza maisha.
Marehemu aliamua kurukia kenchi ili kuzua nyumba isianguke kwa kutumia nguvu zake na kwamba upepo ulimzidi nguvu, paa likaezuliwa na marehemu kurushwa nje na kuangukia nyumba ya pili alikopoteza maisha.
Mashuhuda wa tukio hilo Makwiwa Bihalale (mke wa
marehemu) na Chausiku Malole walisema marehemu alikuwa akifanya juhudi
za kuokoa nyumba isianguke na upepo ndipo mauti yakamkuta hali ambayo
imewashtua.
Akizungumza mbele ya viongozi waliotembelea hapo
kuona tukio hilo, Kaimu Ofisa Tarafa ya Busanda, Joseph Kaparatus
alisema tukio hilo lilitokana na ujenzi mbovu wa nyumba hiyo na kwamba
iliezekwa bila kuzingatia utaalamu na haina kenchi zaidi ya mbao ambazo
zimegongelewa bati.
“Nyumba hii ilikuwa na uhalali wa kuanguka mkuu, angalia haijajengwa kwa kuzingatia utaalamu wa ujenzi wa nyumba,” alisema Kaparatus.
“Nyumba hii ilikuwa na uhalali wa kuanguka mkuu, angalia haijajengwa kwa kuzingatia utaalamu wa ujenzi wa nyumba,” alisema Kaparatus.
Awali akizungumza na wakazi wa eneo hilo nyumbani
kwa marehemu Mkuu wa Wilaya ya Geita, Said Mangochie aliwataka wanachi
hao kujenga nyumba bora zinazozingatia utaalamu ili kuepusha majanga
wakati wa mvua.
Mwenyekiti wa kijiji hicho Haruna Shabani alisema
marehemu aliwahi kuwa mtendaji wa kijiji, na kiongozi wa CCM Kata ya
Busanda, ameacha wajane wawili na watoto 18.
0 comments:
Post a Comment