TASWIRA YA WAFUGAJI JAMII YA WAMASAI WILAYA YA KILOSA MKOANI MOROGORO.

Vijana wa kimasai jamii ya wafugaji (Morani) kutoka vijiji vya wafugaji zaidi ya vitano wakisikiliza viongozi wa jamii hiyo wakati wa kikao cha pamoja cha wafugaji cha kujadili tamko la halmashauri la kutaka kufanyika kwa operesheni ya kuwaondoa wafugaji wageni kilichofanyika katika kijiji cha Twatwatwa wilaya ya Kilosa mkoa wa Morogoro.

Mchungaji wa kanisa la Calvary Assemblies of God kijiji cha Parakwiyo wilaya ya Kilosa mkoani Morogoro Ibrahim Oloishuro akifafanua jambo mara baada ya kumalizika kwa mkutano wa wafugaji wa kujadili waraka wa serikali wakutaka kufanya operesheni ya kuwaondoa wafugaji wavamizi wanaodaiwa kutokea katika wilaya za Ulanga na Kilombero wilayani Kilosa mkoa wa Morogoro.

MAHAKAMA KUU TANZANIA YAZUIA KUFANYIKA KWA OPERESHENI KUWAONDOA WAFUGAJI WAGENI KILOSA.

MAHAKAMA Kuu Tanzania kanda ya Dar es Salaam, imetoa zuio la kusudio la wilaya ya Kilosa la kufanyika operesheni ya kuwaondoa wafugaji wageni katika sehemu mbalimbali za wilaya hiyo hadi pande mbili za walalamikiwa na washkatiwa zitapokutana kwa ajili ya majadiliano Januari 13 mwaka huu katika mahakam hiyo jijini Dar es Salaam. 

Akizungumza na mwandishi wa habari hizi mjini Morogoro mmoja wa wafugaji waliofungua kesi hiyo, Paul Sauyaki alisema kuwa mahakama kuu Tanzania kanda ya Dar es Salaam imetoa zuio la kufanyika kwa operesheni ya kuwaondoa wafugaji wageni ndani ya wilaya ya Kilosa hadi pande mbili zitakapokaa na kubainisha wageni wa namna gani wataondolewa kwenye opeeresheni hiyo. 

Sauyaki alisema kuwa lengo la kwenda mahakama kuu Tanzania kufungua kesi hiyo imetokana na kasoro nyingi zilizojitokeza katika operesheni ya mwaka 20009 ambapo wafugaji 74 ambao walipoteza mifugo wakiwemo ng’ombe 8708, mbuzi 1536 na kondoo 144 na kufanya idadi ya mifugo iliyopotea katika operesheni hiyo kufikia 10,338 wamefungua kesi dhidi ya halmashauri kudai fidia. 

“Katika ile operesheni ya mwaka 2009 tayari wafugaji 74 wamefungua kesi mahakamani kudai fidia kutokana na mifugo yao kuporwa na watendaji waliokuwa wakiendesha operesheni zaidi ya 10, 300 sasa hali kama hiyo hatutaweza itukute tena mwaka huu ndiyo maana tumefungua kesi mahakama kuu tanzani kwa lengo la kuzuia mpaka pande mbili zikutane. Alisema Sauyaki. 

Kuna mapungufu mengi yamekuwa yakifanyika katika operesheni za kuwaondoa wafugaji moja ya mapungufu hayo ni kwa baadhi ya watendaji kuwatesa wafugaji, kuporwa mifugo na familia za jamii ya wafugaji kuishi kwa hofu kutokana na vitisho vinavyodaiwa kutolewa na baadhi ya watendaji hao. 

Kesi hiyo ambayo ipo chini ya wakili, Barnabas Luguwa yenye no1/2013 ikiwa na waombaji wanne akiwemo Israel kilwaha, Ibrahim Oloishulo, Julius Meglory na Paul Sauyati kwa niaba ya wafugaji 112 walalamikiwa ikiwa ni mkuu wa wilaya Kilosa, Mwanasheria mkuu na Halmashauri ya wilaya. 

Pande hizo zinatarajia kukutana katika mahakama hiyo januari 13 mwaka huu majira ya saa 4.00 asubuhi jijini Dar es Salaam.  

Naye mkuu wa mila wa jamii ya wafugaji wilaya hiyo (LEGWENANI) Kilindi Lestino amepongeza hatua ya mahakama kuu Tanzania kutoa zuio hilo kwani itasaidia pande mbili hizo kusaidia kupata makubaliano yatayosaidia kuondoa kasoro zilizojitokeza katika operesheni ya mwaka 2009. 

Lestino alisema kuwa baada ya kufanyika kwa operesheni ya mwaka 2009 jamii hiyo ya wafugaji wamejikuta wakihudumia zaidi ya kaya 200 za wafugaji ambao waliathirika na operesheni hiyo kutokana na kupoteza mifugo zaidi ya 20,000 wakiwemo ng'ombe, mbuzi na kondoo ambao tangu kipindi hicho wamekuwa wakiishi katika mazingira ya umasikini kutokana na kukosa chakula kikuu kinachotokana na mifugo hiyo kwa ajili ya kukamua maziwa.

 Mmoja wa v iongozi wa jamii ya wafugaji wilaya ya Kilosa Adam Mwarabu akieleza jambo katika mkutano huo huku mwandishi wa ITV mkoa wa Morogoro Devotha Minja akichukua picha kwa ajili ya kurusha katika chombo chayo.

Katibu wa chama cha ushirika kijiji cha Mbwade, Paul Sauyaki wakati wa mkutano wa wafugaji wa kujadili waraka wa serikali wakutaka kufanya operesheni ya kuwaondoa wafugaji wavamizi wanaodaiwa kutokea katika wilaya za Ulanga na Kilombero wilayani Kilosa mkoa wa Morogoro.  

 Sehemu ya wafugaji wa vijiji mbalimbali wakisikiza viongozi wao wakati wa mkutano wa wafugaji wa kujadili waraka wa serikali wakutaka kufanya operesheni ya kuwaondoa wafugaji wavamizi wanaodaiwa kutokea katika wilaya za Ulanga na Kilombero wilayani Kilosa mkoa wa Morogoro.

WAFUGAJI WA JAMII YA KIMASAI KILOSA WAITAKA SERIKALI KUWASHIRIKISHA KATIKA OPERESHENI ZIKINEVYO DAMU ITAMWAGIKA.

VIONGOZI wa jamii ya wafugaji wa kimasai wamekuwa katika wakati mgumu wa kuwatuliza vijana wa kimasai (Moran) wakidaiwa kufanya mazoezi ya kupambana na askari wataoendesha operesheni ya kuwaondoa wafugaji waliovamia wilaya ya Kilosa mkoani Morogoro. 

Wakizungumza na waandishi wa habari mara baada ya kumalizika kwa mkutano wa wafugaji katika kijiji cha Mbwande wilayani humo mmoja wa viongozi hao Katibu wa chama cha ushirika kijiji chicho, Paul Sauyaki alisema kuwa kwa sasa viongozi wa mila wa jamii hiyo ya jamii ya kimasai wapo katika wakati mgumu wa kutuliza hasira za morani ambao wanadaiwa kutaka kupambana na watendaji wataoendesha operesheni ya kuwaondoa wafugaji waliovamia wilayani humo itayoanza hivi karibuni.  

Sauyaki alisema kuwa viongozi ndani ya jamii hiyo wapo katika kutafuta mbinu ya kuwatuliza hasira na jazba baada ya kupata waraka wa serikali wa Kilosa kufuatia kutoa siku 10 ya kuwasaka na kuwaondoa wafugaji wanaodaiwa kuvamizi sehemu mbalimbali za vijiji vya wilaya hiyo na mifugo yao wakitokea katika wilaya ya Kilombero na Ulanga ambapo kuna operesheni ya kuwaondoa wafugaji katika bonde la Kilombero.  

“Tupo katika wakati mgumu sana sisi viongozi wa wamasai kwa sasa na hii inatokana na morani kutaka kuwadhuru watendaji wataoondesha operesheni ya kuwaondoa wafugaji waliovamia Kilosa ikiwa seehemu ya kupinga waraka wa siku 10 wa serikali wa kuwaondoa wafugaji wavamizi wanadao daiwa kutokea Kilombero na Ulanga ambako nako kuna operesheni ya kuwaondoa wafugaji waliovamia hifadhi ya bonde la mto Kilombero. Alisema Sauyaki. 

Mchungaji wa Kanisa la Calvary Israel Kilwaha alisema kuwa kuibuka kwa migogoro mingi katika wilaya hiyo baina ya wafugaji, wakulima na wawekazi hivi sasa kumesababishwa na serikali yenyewe baada ya wafugaji kukosa sehemu za kulishia mifugo jambo ambalo limesabaisha kuwa na migogoro mingi. 

Kilwaha alisema kuwa endapo serikali ya wilaya ya Kilosa isingetoa ranchi kwa wawekeza wa nje ingepunguza migogoro kwa kutoa maeneo ranchi hizo kwa wafugaji wenyeji.

“Ukiangali kwa umakini utaona kuwa serikali imekuwa ikifanya mambo mengi biloa kushirikisha wahusika katika mambo mbalimbali lakini kwa upande wa wafugaji hizi ranchi zilizotelekezwa na Nafco wangepewa wafugaji wenyeji lakini badala yake serikali hiyo hiyo yennye lengo la kutatua migogoro imetoa ranchi kwa wawekezaji wageni sasa hapo migogoro itaisha ? alihoji Mchungaji Israel. 

Aliendelea kusema kuwa kwa serikali kutoa ranchi kwa wawekezaji wa nje kunachangia kwa kiasi kikubwa cha migogoro kwani wangeweza kutoa kwa wafugaji wenyeji ambao wana uwezo wa kuzinunua huku wawekezaji hao wakidaiwa kutoziendeleza. 

Isarael alisema kuwa hasira za morani zinatokana na kukumbuka upotevu wa mifugo wakati wa operesheni ya mwaka 2009 iliwakumba wafugaji wenyeji na wavamizi jambo ambalo limekuwa kero kwa muda mrefu inadaiwa wafugaji wengi walipata harasa kwa madai mifugo yao kutaivishwa jambo ambalo hawataweza kuona hali hiyo ikijitokea tena katika operesheni hiyo. 

Akizungumzia malalamiko hayo Mwenyekiti wa Halmashauri ya wilaya ya Kilosa Amer Mbaraka  alisema kuwa oparation hiyo inalenga kuwaondoa wafugaji wavamizi waliotoka wilayani Kilombero na Ulanga ambao wanadaiwa kuingia katika wilaya hiyo na kuwa oepereasheni hiyo haitawaathiri wa fugaji  halali wa wilaya ya kilosa. 

Hatua hiyo imekuja baada ya serikali ya wilaya ya Kilosa kutoka notisi ya siku 10 kuanzia dec 2012 ambapo leo (jana) ilitarajiwa kuanza kwa operesheni hiyo. 

Katika mkutano huo pia kuliibuka machungu ya oparation ya mwaka 2009 ambapo walikumbushia baadhi ya fedha zilizokusanywa kushindwa kurudi kwa kunufaisha wafugaji  kama ilivyoagizwa na serikali. 

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari