YANGA SPORT CLUB YAITANDIKA AZAM FC LIGI KUU YA VODACOM TANZANIA BARA UWANJA WA TAIFA DAR ES SALAAM.

Kwa ufupi:

Katika mchezo huo uliozikutanisha timu mbili katika nafasi ya kwanza na pili kwenye msimamo, ulishuhudia mwamuzi Hashim Abdallah akitolewa uwanjani chini ya ulinzi wa polisi.

 

Kiungo wa Yanga, Simon Msuva (kulia) akijaribu kutafuta njia ya kumtoka kiungo wa Azam, Kipre Balou wakati wa mechi ya Ligi Kuu ya Bara kwenye Uwanja wa Taifa, Dar es Salaam jana. Yanga ilishinda bao 1-0. Picha na Michael Matemanga.

 Mshambuliaji wa Yanga, Jerry Tegete, akijilaumu baada ya kukosa bao la wazi.

 Mshambuliaji wa Yanga Jerry Tegete (kuli) akijaribu kumchambua kipa wa Azam Fc, Mwadin Ally, wakati wa mchezo huo, ambapo Tegete alikosa baada ya kipa huyo kuudaka mpira huo.

 WATANI WA JADI BWANA!!!!, Mashabiki wa Yanga, wakiwakebehi watani wao Mashabiki wa Simba waliokuwa wakiishangilia Azam Fc, kwa Bango lenye Ujumbe huu. ''Msomaji soma mwenyewe''.

 Kikosi cha kwanza cha Yanga kilichoanza.

 Sehemu ya mashabiki wa Yanga, waliojitokeza kuishangilia timu yao leo, ambao wanakadiliwa kuwa kama 25,0000 hivi.

Kikosi cha Azam Fc kilichoanza. 

 

 Beki wa Yanga, Nadir Haroub 'Canavaro', akimkabili mshambuliaji wa Azam, Kipre Tchetche, wakati wa mchezo wa Ligi Kuu ya Tanzania Bara

 

Wachezaji wa Yanga wakimpongeza Niyonzima baada ya kutupia bao.(PICHA KWA HISANI YA SUFIANI MAFOTO)

VINARA wa msimamo, Yanga jana walipiga hatua muhimu kuelekea kulinasa taji la Ligi Kuu Bara baada ya kutumia jasho jingi kupata ushindi kiduchu wa bao 1-0 dhidi ya Azam, shukrani kwa bao pekee kupitia kwa Haruna Niyonzima.

Katika mchezo huo uliozikutanisha timu mbili katika nafasi ya kwanza na pili kwenye msimamo, ulishuhudia mwamuzi Hashim Abdallah akitolewa uwanjani chini ya ulinzi wa polisi.

Hali hiyo ilitokea mara baada ya filimbi ya mwisho kupulizwa kwa wachezaji wa Azam kumvamia kwa lengo la kutaka kumpiga kwa madai ya kuibeba Yanga.

Matokeo hayo yalikuwa kicheko kikubwa kwa Kocha wa Yanga, Ernest Brands aliyesema, kikosi chake kilistahili ushindi, na kwamba hiyo ni njia sahihi ya kuelekea kutwaa taji.

Ushindi huo wa Yanga umehitimisha uonevu wao mbele ya Azam, kwani imeifunga mechi zote mbili msimu huu na kuvuna pointi sita. Mzunguko wa kwanza walishinda 2-0.

Ushindi huo pia umekoleza kasi ya mbio za ubingwa, kwani pamoja na kuwa nyuma kwa mchezo mmoja dhidi ya Azam, bado inaendelea kuongoza baada ya kufikisha pointi 39.

Azam inabaki nafasi ya pili ikiwa na pointi zake 33, na mabingwa watetezi, Simba wanaoshuka dimbani leo wanashika nafasi ya tatu ikiwa na pointi 31.

Iliwachukua Yanga dakika moja baada ya filimbi ya kuanza mchezo kupulizwa kulifikia lango la Azam kwa shambulizi kali.

Jerry Tegete akiwa kwenye nafasi nzuri alipiga kichwa dhaifu kilichodakwa na Mwadin Ally kufuatia kazi nzuri iliyofanywa na Saimon Msuva.

Dakika ya tano, Hamis Kiiza nusura aipatie bao Yanga kama siyo shuti lake kali kudakwa na Mwadini, huku Azam nao wakijibu shambulizi dakika moja baadaye Humphrey Mieno kupiga shuti kali lililokwenda nje ya lango.

Kipre Tchetche naye alikaribia kufunga dakika ya 9 kama siyo shuti lake kali kukosa shabaha lango la Yanga na kwenda nje dakika ya tisa.

Yanga iliyocheza kwa kuonana vizuri sehemu ya kiungo, ilishindwa kufanya matokeo kuwa 1-0 dakika ya 16 baada ya Tegete kupiga shuti ‘cha mtoto’ na kudakwa na Mwadin.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari