MSHAMBULIAJI WA YANGA KAVUMBAGO AMUOMBA RADHI MWAMUZI MARTIN SAANYA.

Mshambuliaji wa Yanga, Didie Kavumbagu akimgonga kwa kiwiko mwamuzi, Martin Saanya aliyejaribu kuzuia asipigane na beki wa Simba Masoud Nassor ‘Cholo’ na Kocha Patrick Liewig. Picha na Jackson Odoyo.

MSHAMBULIAJI wa Yanga, Didier Kavumbagu amemtaka radhi mwamuzi Martin Saanya kutokana na kumgonga na kumsababishia maumivu makali alipokuwa akijaribu kumzui asipigane na beki wa Simba SC, Nassor Masoud ‘Cholo’ juzi Jumamosi katika mchezo wa Ligi Kuu uliozikutanisha timu hizo kwenye Uwanja wa Taifa.

Wachezaji hao wawili walitaka kupigana baada ya kutofautiana katika dakika za mwisho za mche
zo huo uliomalizakwa Yanga kwa kushinda mabao 2-0.

Akizungumza na Mwananchi jana Kavumbagu alisema kuwa hakukusudia kumuumiza mwamuzi huyo isipokuwa alimgonga kwa bahati mbaya wakati tulipotofautiana na Cholo.

“Hata hivyo baada ya tukio hilo nilimtaka radhi, pia baada ya mechi kumalizika likwenda kumwona  alipokuwa amepumzika katika chumba cha tiba ndani ya Uwanja wa Taifa na nikamwomba msahama kwa mara nyingine tena,” alisema Kavumbagu.

Katika hatua nyinge mshambuliajo huyo wa kimataifa wa Burundi alisema hana ugomvi wowote na Cholo ila kitendo lilichotokea uwanjani pale ilikuwa ni hali ya mchezo ambayo mchezaji yeyote anaweza kufanya.

Katika mechi hiyo iliyohudhuriwa na mashabiki wengi wa soka hapa nchini Kavumbagu alifungia Yanga bao la kwanza kabla ya Hamis Kiiza kupachika wavuni bao la pili na kuwanyamazisha kabisa mashabiki wa Simba.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari