MASHINDANO YA TIKA CUP 2013 YAANZA KUTIMUA VUMBI JUNI 6 VIWANJA VYA SHUJAA NA KILAKALA MAKABURINI MORO.

Mshambuliaji wa timu ya soka ya kata ya Kauzeni, Juma Bangule kushoto akimiliki mpira dhidi ya mlinzi wa timu ya kata ya KongaSufian Dikongola wakati wa mashindano ya TIKA CUP 2013 katika michezo. PICHA JUMAMTANDA.BLOGSPOT.COM

Mshambuliaji wa timu ya soka ya kata ya Kauzeni Omari Kaeza (katikati) akiwatoka wachezaji wa kata ya Kong

a Sufian Dikongola na Boniface Mwakilime (jezi 12) wakati wa mashindano ya TIKA CUP 2013 katika michezo inayoendelea katika uwanja wa Shujaa Manispaa ya mkoani Morogoro ambapo katika mchezo huo ulimalizika kwa Kauzeni kushinda kwa changamoto ya mikwaju ya penalti 10-9 baada ya kutoka sare ya bao 1-1.

Mshambuliaji wa timu ya soka ya kata ya Kauzeni Wilbard Palike kushotka akitafuta mbinu ya kumtoka mlinzi wa Konga Boniface Mwilemi wakati wa mashindano ya TIKA CUP 2013.

Na Juma Mtanda, Morogoro.

MASHINDANO ya TIKA CUP 2013 yameanza kutimua vumbi juni 6 kwa kushirikisha timu 24 za kata zinaunda Manispaa ya Morogoro katika viwanja wa Shujaa na Kilakala makaburini mkoani hapa.

Akizungumza na mwandishi wa habari hii mjini hapa Mwenyekiti wa mashindano hayo, Msifuni Chenjela alisema kuwa mashindano hayo yameanza kutimua vumbi juni 6 na yanatarajia kumalizika juni 30 mwaka huu ikishirikisha timu zinazounda Manispaa ya Morogoro.

Chenjela alisema kuwa mashindano hayo yanaendeshwa kwa mfumo wa mtonani ambapo kumegawanywa katika makundi mawili, A na B na michezo ya kundi A inafanyika uwanja wa Shujaa wakati kundi B wanatumia uwanja wa Kilakala Makaburini ambapo kila kundi itatoa timu nne ambao nazo zitachuana kwa mfumo huo huo wa mtoano.

“Haya mashindano yana lengo la kuhamasisha wananchi kujiunga katika mfumu wa tiba kwa njia ya kadi kutoka mfuko wa afya ya jamii inayoka mwananchi kuchangia sh10,000 ili kupata huduma hiyo kwa mwaka katika vituo vya afya na zahanati ndani ya Manispaa ya Morogoro” alisema Chenjela.

Chenjela alisema kuwa mashindano hayo kwa sasa tayari yamefikia hatua ya nne bora kwa kila kituo ambapo  timu hizo zitashindanishwa kwa michezo ya nane bora na timu nne ambazo zitafuzu zitacheza  katika mfumo wa ligi na kupata washindi akiwemo wa kwanza, pili na tatu.

Chenjela alisema kuwa bingwa wa mashindano hayo atakatiakana juni 30 na julai mosi ndiyo zawadi za washindi zitatolewa katika wa kilele za maadhimisho ya siku ya serikali za mitaa ambazo zitafanyika kitaifa mkoani Morogoro.

Alitaja zawadi washindi wa mashindano hayo kuwa ni sh500,000 na ngao kwa mshindi wa kwanza, sh 250,000 mshindi wa pili na mshindi wa tatu ataambulia sh 150,000.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari