LINDI, MTWARA WAITAKA SERIKALI IWARUHUSU KUFANYA MIKUTANO YA HADHARA VINGINEVYO WATAITISHA MAANDAMNO MAKUBWA DESEMBA 22 MWAKA HUU.

 
DAR ES SALAAM. 

MBUNGE wa Kilwa Kusini (CUF), Suleiman Bungara ameitaka Serikali iwaruhusu kufanya mikutano ya hadhara vinginevyo watafanya maandamano makubwa Desemba 22 mwaka huu.

Akizungumzia na mwandishi wa habari hizi, Bungara alisema ni jambo la kushangaza kuendea kuzuiwa kuwasiliana na wananchi wao bila sababu yoyote ya msingi.

Aliongeza kuwa tangu wafungiwe kutokana na vurugu zilizotokana na uvumbuzi wa gesi asilia Mtwara hadi leo, hawaruhusiwi kufanya mikutano hiyo.

Alisema tayari wameshaandika barua tatu kwa Jeshi la Polisi kuomba mikutano hiyo iendelee, lakini haijazaa matunda.

Alisema barua hizo ni zenye kumbukumbu namba CUF/KL/K/M/3/51/ kuomba tarehe ya kufanya mikutano ya hadhara lakini hawakuruhusiwa.

Alisema walijibiwa na jeshi hilo kupitia barua kumbukumbu namba vol.11/149 inayosema Marufuku kwa Vyama na Dini zote kufanya mikesha, maandamano na mikutano ya hadhara isipokuwa mikutano ya ndani tu kwa Mikoa ya Lindi na Mtwara.

Kutokana na hali hiyo, walilalamikia hatua ya kutozungumza na wananchi wao na kuwaleza utekelezaji wa ilani ya chama pamoja na maendeleo. MWANANCHI.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari