MIILI YA RAIA 22 WA ETHIOPIA YAZIKWA MOROGORO.

Mkuu wa wilaya ya Morogoro Saidi Amanzi wa pili kutoka kulia akiwa na viongozi mbalimba wa mkoa wa Morogoro wakiangalia shughuli ya mazishi ya raia 22 wa Ethiopia katika makaburi ya Kola mkoani hapa.

 Baadhi wa wakazi wa Morogoro wakiendelea na kazi ya kushiriki mazishi hayo.

 Hapa mwili wa mmoja wa raia hao ukiwa katika hatua za kuzika katika kaburi.

Wananchi hao wakishuka mwili wa mmoja wa raia hao tayari kwa kuzika.

Malori ya Manispaa ya Morogoro ambayo yamebeba miili ya raia hao yakiwasiri katika eneo la Kola kwa ajili ya shughuli ya kuzika.

                                     

 Askari Polisi Manispaa ya Morogoro akikagua makaburi muda mfupi kabla ya kazi ya kuzika miili hiyo.

M

MIILI 22 ya raia wa Ethiopia waliofariki dunia katika msitu wa Chitego wilaya ya Kondoa mkoa wa Dodoma kwa kukosa hewa wakati wakisafirishwa kwa lori kwenda nchini Malawi imezikwa jana katika makabuli ya Kola manispaa ya Morogoro na mazishi hayo kuhudhuriwa na Mkuu wa Wilaya ya Morogoro Said Amanzi pamoja na viongozi mbalimbali wa dini.

Akizungumza mara baada ya mazishi hayo Mkuu wa wilaya ya Morogoro Saidi Amanzi alisema shughuli ya mazishi ya raia hao wa Ethiopia imefanya baada ya kukamilika kwa uchunguzi wa kidaktari pamoja na vinasaba DNA na kwamba imezingatia taratibu zote za mazishi ya binadamu ikiwa ni pamoja na kuwahusisha viongozi wa dini kuu mbili ambao waliendesha idaba ya mazishi kwa kuongozwa na imani zao.

Mkuu huyo wa wilaya alisema kuwa kabla ya kufanyika kwa mazishi hayo Serikali ya Wilaya na Mkoa iliwasiliana na viongozi wa dini ya Kiislamu ambao waliwakilishwa na kaimu shekhe mkuu wa mkoa wa Morogoro Ally Omary na kwa upande wa dini ya kikristo na Katekista Mkuu wa Parokia ya Mt. Patrice Kanisa kuu Morogoro Corbinian Banzi ambao kwa pamoja waliwaongoza wananchi pamoja na viongozi mbalimbali katika ibada ya mazishi hayo.

Amanzi alisema kuwa baada ya idara ya uhamiaji kukamilisha taratibu zao ikiwa ni pamoja na kuwasiliana na ubalozi wa Ethiopia uchunguzi wa miili hiyo ulifanywa Juni 28 na jopo la madaktari likiongozwa na Dkt. Makata na baada ya uchunguzi ilibainika walipoteza maisha kwa kukosa hewa safi (oksijeni) wakati wakisafirishwa na roli.

Wakati miili hiyo ilipokuwa chumba cha kuhifadhia maiti cha hospitali ya rufaa ya mkoa wa Morogoro miili 16 kati ya 22 ya raia hao ilitambuliwa kwa majina wakati sita ilishindwa kutambuliwa na hivyo miili hiyo ilikuchukuliwa damu kwa ajili kuchukua vipimo vya DNA ili ndugu wa marehemu hao waweza kuwatambua.

Aidha Amanzi alisema kuwa tukio hilo ni kubwa kutokea hapa nchini na kutoa wito kwa vyombo vya dola ikiwemo idara ya uhamiaji kuwa waangalifu zaidi katika maeneo ya mipaka ya nchi ambao inadaiwa ndiko wanakoingilia sambamba na kuwabaini watu wanaosafirisha raia wa nchi za nje.

Waliotambuliwa kwa majina ni pamoja na Jarafa Hailemaria, Agafa Sawicho, Makatosi Kibam, Lire Aba, Teasati Sebeto, Handibo Balalio, Gilima Dandau, Ashnafu Hanifu, Elias Kachoke, Sabato Iribeto, Yomanes Bachore, Solomon Asham na Adese Bukori wote wakitoka katika mkoa wa Hadia nchini Ethiopia.

Wengine waliotambuliwa kwa jina moja ni Abraham na Samira ambao wanatoka mkoa wa Hadia wakati Buligeta akitoka mkoa wa Kambata.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari