TIMU ZA SOKA NA NETIBOLI ZA WAKUU WA WILAYA NCHINI ZAJIFUA KUZIKABILI ZA WABUNGE UWANJA WA JAMHURI MORO.

Mshambuliaji wa timu ya soka ya wakuu wilaya nchini, Venance Mwamoto kulia akiwania mpira dhidi ya Willson Nkambaku kushoto wakati wa mazoezi ya kuajiandaa na mchezo wao na wabunge wa kukusanya fedha za ujenzi wa kituo cha maalbino kinachotarajiwa kujeng

wa Arusha juni 29 mwaka uwanja wa taifa jijini Dar es Salaam ambapo mazoezi hayo yanafanyika kwenye uwanja wa jamhuri mkoani Morogoro. 

PICHA JUMAMTANDA.BLOGSPOT.COM

 

 

Na Juma Mtanda, Morogoro.

KATIBU wa michezo wa timu ya netiboli ya wakuu wa wilaya wanawake nchini, Beatrice Mkassa amewataka wapinzani wao timu ya wanawake wabunge wajiepushe kuchezesha mamluki katika mchezo wao wa uchangiaji wa fedha kwa ajili ya kituo cha ujenzi wa walemavu wa ngozi (Albino) katika mchezo unaotarajia kufanya juni 29 mwaka huu katika uwanja wa taifa jijini Dar es Salaam.

Akizungumza na mwandishi wa gazeti hili mjini Morogoro, Mkwasa alisema kuwa endapo timu ya wabunge wanawake hatawaingiza mamluki katika mchezo wao dhidi ya wakuu wa wilaya wanawake wategemee kuondoka na idadi kubwa ya vikapu vingi.

Mkwasa ambaye ni nahodha wa timu hiyo alisema jeuri hiyo inatokana na mazoezi makali wanayofanya na wachezaji wazuri waliowahi kutamba na timu mbalimbali waliowahi kutamba kabla ya kuingia katika nyasfa hizo.

Timu yao iko imara kila idara tofauti na timu ya wapinzani wao ambao katika michezo iliyopita imekuwa ikichezesha mamluki na kamwe hawawezi kukwepa kichapo kwani kwa sasa wana stamina ya kutosha ya kuwafanya kuwafunga idadi kubwa ya vikapu na kudai kuwa timu hiyo sio mzuri ikilinganishwa na timu yao.

“Nawataka wapinzani wetu timu ya wabunge wanawake wasiingie mamluki kwani lengo letu ni kuwafunga idadi kubwa ya vikapu ili wakasimulie vizuri, nimewaona katika michezo yao mingi ikiingiza mamluki na wakifanya hivyo watapunguza idadi ya vikapu” alisema Mkwasa.

Mkwasa alisema kuwa timu yao ina wachezaji wazuri wanaotosha kupata ushindi mnono mbele yao akiwemu Sarah Dumba aliyewahi kutamba na timu ya redio Tanzania miaka ya 1980-1987 anayecheza nafasi ya ulinzi huku wengine kuwa ni Bituni Msangi anayemudu vema nafasi ya ufungaji, Josephine Maturo nafasi ya golikipa wakati ikimtegemea kiungo mchezeshaji, Mboni Mgaza.

Alisema kuwa kwa wachezaji hao akiwemo na yeye mwenyewe atakayekuwa na kazi ya kumzuia kiungo wao mshambuliaji atahakikisha hapati nafasi ya kugawa mipira ya mwisho kwa mfungaji wao.

Mkwasa alisema kuwa licha ya kupata mazoezi makali ya kuwakabili wabunge hao wanawake wamekuwa wakifunza sheria mpya za mchezo chini ya Kocha wa Polisi Morogoro Edson Chatanda ili wachezaji wake kujiepusha na madhambi yasiyo na lazima dhidi ya wachezaji wa wabunge.

Kambi ya timu za soka na netiboli imevunja kambi katika Manispaa ya Morogoro na kuelekea Dodoma ambako watahudhuria kikao cha wakuu wa mikoa na wilaya ambako wakiwa huko wanatacheza michezo ya kujipima nguvu dhidi ya timu tatu tofauti za CCM, CBI na Tamisemi.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari