LIGI DARAJA LA KWANZA HATUA YA 9 BORA KUANZA KUTIMUA VUMBI LEO JAMHURI MORO.

Mshambuliaji wa Polisi Moro SC Iman Mapunda akitafuta mbinu ya kumfunga mlindamlango wa klabu hiyo Saidi Kawambwa chini wakati wa mazoezi ya mwisho ya klabu hiyo kwenye uwanja wa jamhuri kwa ajili ya ligi daraja la kwanza hatua ya tisa bora itayoanza kutimua vumbi machi 31 ikishirikisha timu tisa mkoani Morogoro.

PAZIA la Ligi Daraja ya Kwanza linafunguliwa leo kwa mchezo  kati ya Rhino Rangers dhidi ya Polisi Dar es Salaam na Trans Camp na Mbeya City Council kwenye Uwanja wa Jamhuri mkoani Morogoro.

Ligi hiyo itashudia kila siku zikichezwa mechi mbili, moja ikianza saa 8 mchana wakati ya pili ni saa 10 jioni ambapo fainali hiyo itamalizika Aprili 22 mwaka huu kwa timu tatu za kwanza kupanda Ligi Kuu ya Vodacom (VPL) msimu ujao.

Kesho wenyeji  Polisi Morogoro  watakuwa na kibarua kizito mbele ya Tanzania Prisons mechi itayochezwa mchana wakati jioni ni Mgambo Shooting na Mlale JKT.

Akizungumza na gazeti hili kwenye uwanja wa Jamhuri Morogoro mjini hapa Meneja wa timu hiyo ya Polisi Moro, Clement Bazo alisema wamejiandaa vya kutosha kuhakikisha wanashinda mchezo wao wa kwanza ili kujiweka kwenye mazingira mazuri.

Bazo alisema kikosi chake kina kila sababu ya kupata ushindi hapo kesho dhidi ya Prison ya Mbeya.
"Tunawataka mashabiki wajitokeze kwa wingi kuangalia kandanda la kuvutia mchana huo.

ìHii timu kwa sasa ya kuotea mbali kwani ina mchanganyiko mzuri ya wachezaji wa polisi na raia hivyo vijana wote wako sawa na tutaanza mbio za kutafuta nafasi ya timu tatu za kutinga Ligi Kuu msimu ujao,î alisema Bazo.

Naye Katibu wa chama cha soka mkoa wa Morogoro (MRFA) Hamis Semka alisema kuwa baadhi ya timu tayari zimewasili mkoani hapo.

Alitaja timu hizo kuwa zilizowasili kuwa ni Mbeya City, Tanzania Prison na Mgambo Shooting ambazo zilifika katika mji huo mapema huku nyingine zikitarajia kuwasili jana na leo.
Ratiba ya ligi hiyo inaonyesha mechi ya pili siku ya ufunguzi itakuwa kati ya Trans Camp na Mbeya City Council. Kesho ni Tanzania Prisons na Polisi Morogoro zitakazocheza mchana wakati jioni ni Mgambo Shooting na Mlale JKT.

Jumatatu Aprili 2, Polisi Tabora vs Rhino Rangers (mchana) na Polisi Dar es Salaam vs Trans Camp (jioni). Aprili 3, ni Mbeya City Council vs Tanzania Prisons (mchana) na Polisi Morogoro vs Mgambo Shooting (jioni).

Aprili 5, ni Polisi Tabora vs Mlale JKT (mchana) wakati jioni ni Rhino Rangers vs Trans Camp. Aprili 6 mwaka huu Polisi Dar es Salaam vs Mbeya City Council (mchana) wakati jioni ni Tanzania Prisons vs Mgambo Shooting.

Aprili 8, ni Mlale JKT vs Polisi Morogoro (mchana) wakati jioni itakuwa Polisi Tabora vs Polisi Dar es Salaam. Aprili 9, ni Mgambo Shooting vs Rhino Rangers (mchana) wakati jioni ni Trans Camp vs Tanzania Prisons.

Aprili 11, ni Mbeya City Council vs Polisi Tabora (mchana) na Mlale JKT vs Rhino Rangers (jioni). Aprili 12, Polisi Dar es Salaam vs Mgambo Shooting (mchana) na Polisi Morogoro vs Trans Camp (jioni).

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari