CHAMA CHA WAANDISHI WA HABARI MKOA WA MOROGORO CHASITISHA KUANDIKA HABARI ZA KIPOLISI IKIWEMO NA KUTOA TAMKO KUFUATIA KIFO CHA MWANDISHI CHANEL TEN MKOA WA IRINGA, DAUD MWANGOSI ALIYEFARIKI WAKATI WA RUVUGU BAINA YA POLISI NA CHADEMA NYOLOLO MUFINDI.

MWENYEKITI WA CHAMA CHA WAANDISHI WA HABARI MOROGORO, AZIZ MSUYA.

NA LILIAN LUCAS, MOROGORO.

CHAMA cha waandishi wa habari mkoa wa Morogoro MOPC Kimesitisha kuandika habari za zozozte za polisi hadi pale baraza la habari MCT, Muungano wa Clabu za waandishi wa habari UTPC na Jukwaa la wahariri watakapotoa tamko rasmi juu ya mauaji ya mwandishi wa habari wa kituo cha televisheni cha Chanel 10 Daud Mwangosi yaliyosababishwa na polisi wakati mwangosi akiwajibika kazini katika mkutano wa Chadema.

Mwenyekiti wa MOPC Aziz Msuya alisema hayo jana wakati wa mkutano wa pamoja na waandishi wa habari mjini Morogoro wenye lengo la kutoa tamko dhidi ya mauaji hayo.

Msuya alisema kuwa MOROPC inaungana na Clabu zingine za waandishi wa habari nchini katika kulaani vikali mauaji hayo yasio na hatia kwa mwandishi huyo na kwamba tukio kama hilo linaweza kumkumba mwandishi yeyote hivyo inasatahili kulipinga nwa nguvu zote.

‘’ Mauaji hayo hayana msingi wowote kwa mwanataalumu huyo ambaye alikuwa akiwajibika ili kuhakikisha wananchi wanapata haki yao ya habari sasa kama waandishi wasipolipinga hilo litazidi kutokea kwa siku za usoni.

Alisema kuwa kwa kuwa vyombo hivyo ambavyo vinahusika moja kwa moja na waandishi wa habari vinatarajia kutoa tamko juu ya kifo hicho MOROPC imeamua kusitisha habari za polisi ili kusubiri tamko hilo.

Alisema kuwa ifahamike wazi kuwa kazi ya polisi ni kulinda mali usalama wa watu na mali zao na sio kuuwa kama walivyoamua sasa kujichukulia sheria mkononi.

Alisema kuwa hali hiyo inatishia na kudhoofisha utendaji kazi wa waandishi wa habari na kuwafanya kuwa na woga na hivyo kuonyesha dhairi kukiukwa kwa uhuru wa vyombo vya habari nchini.

Kwa upande wake katibu wa chama hicho Abed Dogoli alisema kuwa MOROPC imeandaa utaratibu wa kupeleka rambirambi kwa familia ya marehemu huyo kama ilivyokuwa kawaida kwa wanataaluma hiyo kuungana pamoja wakati wa shida na raha.

Aliwataka Familia ya marehemu kuwa na subira kwa kipindi hiki cha majonzi ili kuweza kukamilisha uchunguzi wa tukio hilo ambalo bado linautata ndani yake.