IRAN: ITAMALIZA KIHEREHERE CHA ISRAEL KATIKA VITA.

Iran itamaliza kiherehere cha Israel katika vita

NAIBU Mkuu wa vikosi vyote vya majeshi ya Iran Brigedia Jenerali Masoud Jazayeri amesema utawala wa Kizayuni wa Israel utajichimbia kaburi lake wenyewe kwa kuanza kuishambulia Iran.

Brigedia Jenerali Jazayeri amesema utawala wa Kizayuni unaokalia kwa mabavu Quds Tukufu sio tu hauna uwezo wa kuchuku hatua za kijeshi dhidi ya Jamhuri ya Kiislamu, bali pia unafahamu vyema kwamba iwapo utaanza kuishambulia Iran utakuwa unajichimbia kaburi lake wenyewe.

Naibu Mkuu wa vikosi vyote vya majeshi ya Iran amesema, makombora ya Iran yanaweza kuzifikia kwa urahisi ardhi za Palestina zinazokaliwa kwa mabavu na Israel pamoja na maeneo mengine yenye maslahi ya Marekani katika eneo la Mashariki ya Kati.

Inafaa kuashiria hapa kuwa utawala wa Kizayuni wa Israel hivi karibuni umezidisha vitisho vya kushambulia vituo vya nishati ya atomiki vya Iran. 

Vitisho hivyo vinatolewa kutokana na madai yasiyo na msingi kwamba miradi ya kuzalisha nishati ya nyuklia ya Jamhuri ya Kiislamu ya Iran inayoendeshwa kwa malengo ya amani eti lengo lake ni kutengeneza silaha za nyuklia.

CHANZO//  http://kiswahili.irib.ir.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari