MILOVAN: SIMBA SC HAINA UWEZO WA KUIFUNGA LIBOLO FC YA ANGOLA LIGI YA MABINGWA AFRIKA.

Kwa ufupi:

Katika pambano la kwanza lililofanyika jijini Dar es Salaam wiki moja iliyopita, Simba ililala kwa bao 1-0, hivyo inahitaji ushindi wa zaidi ya mabao mawili katika mchezo wa marudiano ili iweze kusonga mbele. 
Chanzo http://www.mwananchi.co.tzKOCHA, MILOVAN CIRKOVIC.

ALIYEKUWA kocha wa Simba, Milovan Cirkovic amesema Simba haina uwezo wa kuifunga Libolo katika pambano la marudiano la Ligi ya Mabingwa Afrika litakalopigwa Machi 2 jijini Luanda, Angola.

Katika pambano la kwanza lililofanyika jijini Dar es Salaam wiki moja iliyopita, Simba ililala kwa bao 1-0, hivyo inahitaji ushindi wa zaidi ya mabao mawili katika mchezo wa marudiano ili iweze kusonga mbele.

Akizungumza na gazeti hiliMwananchi jijini Dar es Salaam, Cirkovic alisema kuwa, aina ya soka linalochezwa na Simba hivi sasa siyo la malengo wala ushindani na zaidi halitaweza kuisaidia timu hiyo kuifunga Libolo katika pambano la marudiano.

“Simba hii siyo ile niliyoiacha wakati ule, haichezi soka la ushindani kabisa, nadhani kuna tatizo ambalo linatakiwa kufanyiwa kazi,”alisema Cirkovic.

Alisema,”Kkwa aina ya soka nililolishuhudia, hakika hakuna uwezekano wa kuifunga Libolo katika pambano la marudiano, ukiwaangalia wachezaji utawaona wanacheza kama vile kwa ajili ya kujifurahisha na siyo kusaka ushindi, yaani kifupi ni kwamba hawana morali.”

Cirkovic alisema kuwa kuna haja ya uongozi wa Simba kukaa na wachezaji wao ili waweze kufahamu kile kinachowasibu na kukipatia ufumbuzi kabla mambo hayajaharibika zaidi.

“Ukiangalia wachezaji ni walewale niliowaacha, kama kuna wapya basi ni wachache tu ambao hata hivyo siwaoni wakipata nafasi, jambo la msingi wakae na wachezaji wawaambie wana matatizo gani ili wayatatue kabla mambo hayajaharibika zaidi,”alisema Cirkovic.

SIMBA WAKUTANA

Baada ya kupokea kipigo cha bao 1-0 kutoka kwa Mtibwa Sugar, Mwenyekiti wa Simba, Ismail Aden Rage jana jioni aliitisha kikao cha Kamati ya Utendaji ya klabu hiyo na kuahidi kufanya uamuzi mgumu.

Rage alisema ameitisha kikao cha utendaji ili kujadili mwenendo wa timu yao na kuahidi kutoka na uamuzi mzito.

‘’Anayetakiwa kuulizwa kwa nini timu haifanyi vizuri ni kocha Patrick Liewig na benchi la ufundi siyo viongozi, mimi nimeishakaa na benchi la ufundi nikaongea nao na wakatuambia tatizo ni nini, hivyo wanachama wasubiri uamuzi utakaofanywa na Kamati ya utendaji,’’ alisema Rage.

Pia, Rage alisisitiza hawezi kujiuzulu kama watu wanavyodai kwa kuwa kosa la timu kufanya vibaya siyo lake bali la benchi la ufundi, anachotakiwa kuulizwa yeye ni kama timu haijalipwa mishahara, haina sehemu ya kulala haijapewa fedha zao za usajili na siyo timu kufaya vibaya uwanjani.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari