HII NDIYO SIRI YA MAENDELEO YA ELIMU NCHINI CANADA

Maktaba katika taasisi mbalimbali za elimu nchini Canada zimesheheni vifaa vya kusomea vya kisasa hususani kompyuta kama inavyoonekana katika maktaba hii ya Chuo cha Seneca kilichopo jijini Toronto. Picha na Abeid Poyo.

ELIMU ya Canada hailengi tu kuwapa wanafunzi maarifa, bali inalenga pia kuwafanya wawe wabunifu, hasa katika kutoa mawazo mapya na kutatua changamoto zinazow
eza kuhatarisha mafanikio ya nchi hasa upande wa uchumi.
 
Canada ni miongoni mwa nchi zilizopiga hatua kubwa kimaendeleo katika  sekta mbalimbali, ikiwamo elimu.

Mwandishi wa makala haya, aliyeitembelea nchi hiyo hivi karibuni, amezungumza na Dorris Ngaiza aliyewahi kusoma katika mojawapo ya vyuo vikuu vya Canada, anayelezea sababu za nchi hiyo kupiga hatua kubwa kielimu.

Swali: Ulisoma chuo gani na katika fani ipi?

Jibu: Nilisoma Chuo Kikuu cha Carleton kilichopo Ottawa na kuhitimu mwaka 2012. Kozi niliyosomea ni Shahada ya Kwanza ya Heshima katika Sheria na Sayansi ya Siasa. Katika shahada hiyo, eneo kuu la utaalamu nililobobea lilikuwa Uhusiano wa Kimataifa.

Swali: Unautazamaje mfumo wa elimu wa nchi hiyo  ukilinganisha  na ule wa Tanzania ?.

Jibu: Tofauti ni kubwa sana. Elimu ya Canada imeendelea kwa kiwango kikubwa, hasa katika matumizi ya vifaa vya kisasa na vya hali ya juu katika kufundisha na kujifunza.

Nilichokiona hapa ni kuwa mfumo wa wenzetu katika ufundishaji unaweka msisitizo mkubwa katika mazoezi ya kivitendo, hivyo kuchangia wanafunzi kuwa  wabunifu na wenye uwezo wa kutatua matatizo.

Ilivyo ni kuwa wanafunzi hapa wanajengwa kuwa werevu wa fikra na watatuzi wa changamoto, badala ya kuwa watu wanaokariri tu maarifa wanayofundishwa.

Kwa ufupi naweza kusema elimu ya Canada hailengi tu kuwapa wanafunzi maarifa, bali inalenga pia kuwafanya wawe wabunifu, hasa katika kutoa mawazo mapya na kutatua changamoto zinazoweza kuhatarisha mafanikio ya nchi hasa upande wa uchumi.

Swali: Tanzania nayo unaitazamaje ?.

Jibu:   Kwa Tanzania hayo niliyosema ni kinyume, kwani wanafunzi wanafundishwa ili kukariri maarifa tena kwa minajili tu ya kufaulu mitihani ya Taifa.

Hali hii ndiyo inayochangia kukua kwa mawazo potofu kuwa wanafunzi wenye akili, au wenye nafasi ya kufanikiwa maishani  ni wale tu wenye uwezo wa kufanya vizuri zaidi kwenye mitihani. MWANANCHI.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari