Hollande amshinda Sarkozy katika uchaguzi Ufaransa

Francois Hollande akirudisha madarakani chama cha Socialist baada ya kuwa upinzani kwa karibu miaka 25.

Mgombea kiti cha rais wa chama cha Socialist Francois Hollande akifuatana na mwenzake Valerie Trierweiler (kushoto) mjini Paris.

Rais anaeondoka madarakani Nicolas Sarkozy amewashukuru wafuasi wake na kukiri kushindwa katika duru ya pili ya uchaguzi Jumapili, na kuwa rais wa kwanza kuondolewa madarakani baada ya mhula mmoja.

Matokeo ya awali yaliyotangazwa na vyombo vya habari yanaonesha Bw Hollande akijipatia asili mia 51.9 za kura akimshinda mpinzani wake Bw. Sarkozy aliyepata asili mia 48.1.

Sherehe kubwa zinafanayika katika kila pembe ya Ufaransa usiku wa Jumapili kufuatia ushindi huo ambao wengi walitarajia, na wachambuzi wanassema wapiga kura wa Ufranasa walitake kumondowa Sarkozy kutokana na sera zake za ndani na nje.