UHOLANZI WASITISHA MSAADA KWA NCHI YA RWANDA WA DOLA 6.15MIL

SERIKALI ya Uholanzi imesitisha msaada wa dola milioni 6.15 kwa nchi ya Rwanda baada ya kutuhumiwa kuhusishwa na ufadhili wa waasi katika Jamuhuri ya kidemokrasia ya Congo.

Hatua hiyo imekuja siku kadhaa huku Marekani nayo ikitangza kupunguza msaada wa kijeshi kwa Rwanda.

Hata hivyo Rwanda imekuwa ikikanusha madai ya umoja wa mataifa kuwa inafadhili kundi la waasi wa M23 mashariki mwa DR Congo.

Waasi hao walianza kutoka jeshini kuanzia mwezi Aprili na hadi kufikia sasa takriban watu 200,000 wametoroka makwao kwa sababu ya mapigano kati ya jeshi na waasi hao.

Hatua hii ya Udachi inajiri baada ya afisaa mkuu wa umoja wa mataifa kuambia BBC kuwa wanajeshi wanaotoka katika jeshi la DRC wamekiri kusajiliwa na Rwanda.

Mnamo siku ya Alhamisi, Umoja wa mataifa uliripoti kuwa wana jeshi wake walisaidia jeshi la DRC kuwafukuza waasi hao kutoka mji wa Goma kwa kutumia helikopta pamoja na magari ya kijeshi.

Mfumo wa sheria. 

Mwandishi wa BBC mjii Hague, Anna Holigan, anasema kuwa hii ndio hatia ya kwanza ya kifedha kuwa rais Kagame huenda ameanza kuwapoteza washirika wake wa Ulaya.

Waziri wa mambo ya nje wa Uholanzi, amethibitisha kuwa kuanzia sasa haitafadhili vyovyote serikali ya Rwanda hadi pale itakapoweza kuhakikishiwa na Rwanda kuhusiana na madai hayo.

Pesa hizo ilizokuwa inapokea Rwanda zilikuwa zinatumika kuinia hadhi ya mfumo wa sheria wa Rwanda, ingawa mashirika yasiyo ya kiserikali yataendelea kufadhiliwa.

Serikali ya Udachi hata hivyo ingali inasubiri jibu kutoka kwa Rwanda kuhusiana na hatua hiyo wakati ikiendelea kushauriana na nchi zingine za Ulaya kuhusu hatua zaidi dhidi ya Rwanda.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari