Kwa ufupi
Alisema tuhuma dhidi ya Dk Slaa kumiliki kadi ya
chama tawala ni moja ya mikakati dhaifu inayotumiwa na Katibu wa Itikadi
na Uenezi wa CCM, Nape Nnauye katika kumchafua kiongozi huyo.
Dk Willibrod Slaa.
MWENYEKITI wa Taifa wa Baraza la Vijana la Chadema (Bavicha),
John Heche, ametangaza kuwa Chadema imejipanga kumpeleka Ikulu Katibu
Mkuu wake, Dk Willbrod Slaa, kupitia katika Uchaguzi Mkuu ujao wa mwaka
2015 kufuatia hatua ya wananchi kuchoshwa na uongozi wa Chama Cha
Mapinduzi (CCM).
Akihutubia mkutano mkubwa wa hadhara katika
Viwanja vya Kilombero mjini Arusha juzi baada ya mapokezi ya Mbunge wa
Arusha Mjini, Godbless Lema, Heche aliwataka Watanzania kupuuza kampeni
za kumchafua Dk Slaa, alizosema zimeanzishwa na kuratibiwa kwa
mamilioni ya fedha na watu kutoka ndani ya CCM wanaowatumia baadhi ya
vijana wasaliti ndani ya Chadema.
Alisema tuhuma dhidi ya Dk Slaa kumiliki kadi ya
chama tawala ni moja ya mikakati dhaifu inayotumiwa na Katibu wa Itikadi
na Uenezi wa CCM, Nape Nnauye katika kumchafua kiongozi huyo.
Alisema hata hivyo mkakati huo haujafanikiwa wala hautafanikiwa kwa sababu umiliki wa kadi siyo hoja wala tatizo la Watanzania.
“Dk Slaa amewashinda CCM katika kiti cha ubunge
Jimbo la Karatu kwa miaka 15 na alipojitokeza kuwani urais katika
uchaguzi wa 2010, alitoa ushindani mkubwa ambao bado unawatia hofu CCM
katika uchaguzi ujao wa mwaka 2015 ndiyo maana wanawatumia wasaliti
wachache kujaribu kumdhoofisha,” alisema Heche.
Hata hivyo, Chadema hakijatangaza rasmi iwapo Dk Slaa ndiye atakuwa mgombea urais kupitia chama hicho mwaka 2015.
Mwenyekiti huyo aliikumbusha CCM kuwa Dk Slaa wala
Chadema siyo adui yao wala siyo sababu ya chama hicho kukosa haiba
machoni mwa umma na kwamba adui wa CCM ni CCM yenyewe iliyoshindwa
kutimiza mahitaji ya umma.
Alisema licha ya Tanzania kuwa nchi ya tatu
duniani kwa uzalishaji wa dhahabu na rasilimali kadhaa, bado inaendelea
kuwa Taifa maskini na ombaomba kutokana na viongozi wa CCM na
Serikali yake kuongoza kwa kujali masilahi
binafsi, badala ya umma.
Kuhusu suala la Dk Slaa kumiliki kadi ya CCM,
Heche alisema kadi ya chama ni mali ya mwanachama ndiyo maana anakilipia
na kwamba uanachama wa mtu hukoma pale anapokufa au kujiunga na chama
kingine cha siasa.
0 comments:
Post a Comment