MIKE TYSON AUSTUA ULIMENGU, NI BAADA YA KUFANYIWA OPERESHENI ILI KUGEUZWA KUWA MWANAMKE, OPERESHENI YADUMU KWA MASAA 28.

 

MIKE TYSON kulia akiwajibika ulingoni dhidi ya mpinzani wake.

 MIKE TYSON.

BROOKLYN, MAREKANI.
BINGWA wa zamani wa masumbwi wa uzito wa juu, Mike 'Iron' Tyson anadaiwa kubadilisha jinsia na kuwa mwanamke, ambapo upasuaji wake umefanyika salama mwishoni mwa wiki iliyopita.

Kwa mujibu wa mtandao wa Newsbiscuits wa Marekani, upasuaji wa mabadiliko ya jinsia ya mwanamasumbwi huyo wa zamani umefanyika katika kliniki ya karibu na Beverley Hills.

  

 Wakati alipokuwa katika mchezo huo, Tyson alikuwa akijulikana kama ‘The Baddest Man on the Planet’ (Mtu mbaya kuliko wote duniani), akiwa mzaliwa wa jiji la Brooklyn.

Na bondia huyo inadaiwa aliwaambia waandishi kuwa kupata hedhi kwa mara yake ya kwanza ni kama ndoto iliyokuwa kweli katika maisha yake, na kuanza siku aliyofanyiwa upasuaji huo atakuwa akijulikana kwa jina la Michelle.

Tyson alinukuliwa akisema: "Baadhi ya watu walidhani kuwa ni hatari kwa mimi kuwa mwanamke. 

Tyson ambaye amefanyiwa upasuaji wa kubadilisha vitu kadhaa vya kiume katika mwili wake saa 28 zilizopita anajisikia vizuri kuwa hivyo.

"Lakini hata muda mrefu nilioutumia katika mchezo wa masumbwi nilikuwa nikijivunia kuwa bondia bora duniani siku zote, sikuwa na wazo lililoingilia nilichokuwa nikifanya kwa wakati huo, lakini nilijua siku moja nami natakuwa na matiti na uke." 

Iron Mike au Iron Maiden kama ambavyo anataka kuitwa sasa aliruhusiwa kufanyiwa upasuaji na madaktari baada ya kuchunguzwa juu ya mwili wake, ambapo katika historia yake, bondia huyo alilalamikiwa kwa kupigwa na Evander Holyfield 1996.

Licha ya Tyson kusema yuko vizuri kuendelea na pambano, mwamuzi Mitch Halpern alilazimika kulimaliza katika raundi ya 11 akidai kuwa alimuona Tyson kama aliyeshindwa kuendelea kwa usalama wake.

Tyson, alionekana akiwa amevalia nywele za bandia za kike (wigi) na suruali aina ya jeans ya bluu na fulana ya mwanamitindo Vanessa Bruno.

Alinukuliwa akisema kuwa hali hiyo ya muonekano wake utasaidia kuwashawishi Wamarekani kujua kuwa siku zake za umwamba ulingoni zimekwisha na amekuwa mtu mwingine.

"Nimeuhifadhi uume wangu katika chombo maalum kisichoozesha chumbani kwangu kwa ajili ya kukumbuka viungo hivyo vilivyotufanya wakati tuko vijana wadogo gerezani" alisema Tyson katika kauli tata.

Licha ya watangazaji wengi wa ngumi kushindwa kutangaza alivyokuwa akivaa akiingia katika mapambano yake, ilikuwa ni dalili tosha ya kuonesha kuwa alitamani siku moja kuwa mwanamke.

Alama hizo ni kama kuvaa viatu virefu vyenye nakshi za kike, aina fulani za hereni na nguo ya juu kama gauni refu lenye urembo mwingi na hata katika glovu zake kulikuwa na kama rangi za kucha.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari