Mgombea wa urais kupitia tiketi ya chama cha CCM John Pombe Magufuli ndiye rais mteule wa taifa la Tanzania baada ya kushinda uchaguzi mkuu uliokamilika.
Akitoa matokeo hayo Mwenyekiti wa tume hiyo jaji mstaafu Damian Lubuva amesema kuwa Magufuli alijipatia kura milioni 8,802,935 ikiwa ni aslimia 58.46 huku mpinzani wake wa karibu Edward Lowassa wa chama cha Chadema
akijipatia kura milioni 6,072,848 ikiwa ni aslimia 39.97.
Haya ndiyo matokeo kamili kama yalivyotangazwa na mwenyekiti wa Tume ya Taifa ya Uchaguzi Tanzania Jaji Mstaafu Damian Lubuva:
| Matokeo ya uchaguzi wa urais Tanzania | |||||
|---|---|---|---|---|---|
| Jina | Chama | Kura | Asilimia | ||
| Anna Mghwira | ACT | 98,763 | 0.65 | ||
| Chifu Yemba | ADC | 66,049 | 0.43 | ||
| John Magufuli | CCM | 8,802,935 | 58.46 | ||
| Edward Lowassa | CHADEMA | 6,072,848 | 39.97 | ||
| Hashim Spunda | CHAUMA | 49,256 | 0.32 | ||
| Janken Kasambala | NRA | 8,028 | 0.05 | ||
| Macmillan Lyimo | TLP | 8,198 | 0.05 | ||
| Fahmi Dovutwa | UPDP | 7,785 | 0.05 | ||
Awali kabla ya kutolewa kwa matokeo hayo Takriban vyama vitano kati ya vinane viliridhia kutia sahihi matokeo hayo ambayo tayari yamepingwa na chama rasmi cha upinzani CHADEMA.
Akivihutubia vyombo vya habari mgombea wa urais kupitia chama hicho Edward Lowassa amepinga matokeo yoyote ya uchaguzi huo na kujitangaza mshindi wa uchaguzi kwa kupata asilimia 62 ya kura zilizopigwa.
Lowassa amedai kwamba tume ya uchaguzi nchini humo imeshirikiana na chama tawala CCM kufanya udanganyifi katika shughuli hiyo.
Lakini akitoa matokeo hayo Jaji mstaafu Damian Lubuva amesema kuwa baada ya kujumlisha matokeo yote ya urais katika uchaguzi huo,John Pombe Magufuli ndiye aliyeibuka mshindi.
0 comments:
Post a Comment