Odinga: Hatutaruhusu machafuko ya kidini Kenya

WAZIRI Mkuu wa serikali ya umoja wa kitaifa nchini Kenya Raila Odinga, amesema kuwa, serikali ya Kenya haitaruhusu machafuko na mauaji ya kidini yakitokea baada ya Uchaguzi Mkuu wa mwaka 2007 yarejee tena nchini humo. 

 

Raila amesema hayo alipokutana na viongozi wa dini ya Kiislamu na Kikristo mjini Mombasa na kuwahakikishia kuwa machafuko ya mjini humo yatakoma mara moja. 

Amesema Waislamu na Wakristo kwa pamoja wanasisitizia haja ya kudumishwa usalama na amani lakini wapo baadhi ya watu wasiolitakia mema taifa la Kenya ambao wanaanzisha machafuko nchini humo. 

Aidha Waziri Mkuu huyo wa Kenya amelaani mauaji ya mwanaharakati wa Kiislamu Sheikh Aboud Rogo yaliyofanyika Jumatatu wiki hii nchini humo na kuongeza kuwa, Kenya haitoruhusu vita vya kidini vinavyosababishwa na maadui wa nchi hiyo vitokee nchini humo.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari