UMOJA WA MATAIFA YAITAKA NCHI YA GAMBIA KUSITISHA NA KUTOTEKELEZA KUNYONGWA WATU 39 AMBAO WAMEHUKUMIWA KIFO KUTOKANA NA MAKOSA MBALIMBALI.

 Christof Heyns.

MWAKILISHI maalumu wa Umoja wa Mataifa kuhusu mauaji yaliyo ya halali au kunyonga kiholela, Christof  Heyns ameitaka serikali ya Gambia kujizuia na kutotekeleza mauaji ya watu 39 ambao wako kwenye orodha ya waliohukumiwa kifo, kufuatia kunyongwa kwa watu tisa Agosti 26 mwaka huu. 

Kabla ya mauaji haya utekelezaji wa hukumu ya kifo ya mwisho rasmi katika nchi hiyo ulifanyika mwaka 1985.

Mwakilishi huyo amesema analaani vikali unyongaji huo ulitekelezwa wiki iliyopita nchini Gambia na kuitaka serikali isitekeleze mauaji zaidi. 

Amesema mauaji hayo ni hatua ya kurudi nyuma katika suala la kulinda haki ya kuishi duniani. 

Ameongeza kusema utekelezaji wa hukumu ya kifo ni ukandamizaji wa hatua nzuri zilizokuwa zimepigwa katika kuelekea kukomesha hukumu ya kifo Gambia. 

Hata hiyo Rais Yahya Jammeh wa nchi hiyo amepanga kuhakikisha kwamba hukumu hiyo ya kifo inatekelezwa katika wiki chache zijazo.

Share on Google Plus

About mtanda blog

Blogger maarufu nchini Tanzania na mwanahabari mkongwe kwenye Tasnia ya habari